Nánar

1.3.2010

Fleiri fréttir
Dagdvöl eldri borgara gefið nafnið Árblik

Vaka og Margrét, nafngjafar Árbliks
Í janúar síðastliðnum tók nýr forstöðumaður til starfa í dagdvöl eldriborgara í Grænumörk. Hún heitir Ragnheiður Kristín Björnsdóttir og er hjúkrunarfræðingur að mennt. Hún ákvað að finna dagdvölinni í Grænumörk nýtt nafn og var haldin tillögusamkeppni þar um á meðal þjónustuþega dagdvalarinnar og allra starfsmanna í Grænumörk.

Alls bárust 32 tillögur og allar með mjög frambærilegum nöfnum. Nöfnin voru síðan öll listuð upp og kusu þjónustuþegar og starfsmenn um það nafn sem þeim leist best á.


Nafnið Árblik hlaut að lokum flest atkvæði og höfðu tvær konur sent tillögu að því nafni. Þær eru Margrét Valdimarsdóttir, en hún kemur reglulega í Árblik, og Vaka Kristjánsdóttir, sem er yfirmaður félagslegrar heimaþjónustu Árborgar og starfar í Grænumörk.


Árblik þýðir: fyrsta dagskíman sem sést á himninum þegar dagar og þótti vel við hæfi að vísa til rísandi birtu í nafni fyrir dagdvöl eldri borgara.


Til baka