Ráðgjafinn heim er aðstoð sem snýr að foreldrum barna á aldrinum 2 – 12 ára með ADHD og skyldar raskanir (mótþróaþrjóskuröskun, tourette, þráhyggju- áráttu, kvíða og depurð).  Starfsmaður fer heim til foreldra og aðstoðar þá við að takast á við erfiða hegðun barnanna í raunverulegum heimilisaðstæðum..

Markmið ráðgjafans eru að;

*kenna foreldrum aðferðir sem ætlað er að koma í veg fyrir erfiða hegðun, ýta undir æskilega hegðun og takast á við erfiða hegðun barna sinna heima hjá sér eða í öðrum aðstæðum þar sem foreldrarnir eru til staðar.

*aðstoða foreldra við að yfirfæra aðferðir sem þeir hafa lært á uppeldisnámskeiði á hegðun barna sinna í raunaðstæðum (heima,í búðinni, matarboði o.s.frv.).

*aðstoða foreldra við að koma á dagsskipulagi og nota það.

*aðstoða foreldra á álagstímum og veita foreldrum aðstoð í samskiptum við skóla þegar það á við.

Hægt er að sækja um á ,,Mín Árborg“ eins er að finna umsókn á heimasíðu sveitarfélagsins www.arborg.is

Starfsmenn Ráðgjafans heim eru:

Andri Már Númason, grunnskólakennari,  andrimar@arborg.is

Harpa Kristín Hlöðversdóttir, leikskólakennari, harpakh@arborg.is