Gjaldskrá
Fyrir sorphirðu í Sveitarfélaginu Árborg
nr. 1190/2006

1.gr.
Sveitarfélagið Árborg annast sorphirðu frá öllu íbúðarhúsnæði í sveitarfélaginu. Bæjarstjórn Árborgar er heimilt að leggja á sérstakt sorphirðugjald samkvæmt samþykkt um sorphirðu í Sveitarfélaginu Árborg frá 16. janúar 2002.

2. gr.
Sorphirðugjald fyrir íbúðir er árlega sem hér greinir: 

	120 lítra tunna	240 lítra tunna
Gjaldtegund:
-Sorphreinsunargjald (kr/ár)	15.660	15.660
-Sorpeyðingargjald (kr/ár)	11.100	17.940
Samtals (kr/ár)	26.760	33.600

 * Gildir frá 30. desember 2010

Gjaldið skal innheimt með fasteignagjöldum og er gjalddagi sorpgjalds hinn sami og fasteignargjalda. Sorpgjaldið nýtur lögveðsréttar í lóð og mannvirkjum næstu tvö ár eftir gjalddaga með forgangsrétti fyrir hverskonar samningsveði og aðfararveði.

Af sorpgjaldi vegna sumarhúsa og annars íbúðarhúsnæðis í sveitarfélaginu sem nýtt er til tímabundinnar dvalar, án fastrar búsetu, er heimilt að veita allt að 50% afslátt.

Sjá nýja grein (3.gr.) sem bætist við gjaldskrána

Önnur gjöld: 

• Pokagjald: Sérmerktir sorppokar:                           400 kr/stk
• Tunnugjald: Nýjar 120 og 240 l tunnur:                4.000 kr/ílát
• Samsetningar- og útkeyrslugjald:                      1.300 kr/ílát

Pokagjald, tunnugjald og/eða samsetningar- og útkeyrslugjald greiðist við afhendingu.

Samsetningar- og útkeyrslugjald greiðist við afhendingu nýrra tunna og ef skipt er milli stærða.

Sé skipt milli stærða er tunna sem fyrir er tekin upp í nýja tunnu án endurgjalds.

Sé tunnum fækkað er tunna keypt á upprunalegu verði að frádreginni afskriftarupphæð sem nemur 1/10 fyrir hvert ár sem liðið er frá því að notkun hófst. Sé þess óskað að halda tunnu er heimilt að skipta um lok þannig að ómerkt lok komi í stað upprunalegs loks með  auðkenni sveitarfélagsins.

3. gr
Gjaldskrá þessi, sem er samin og samþykkt af bæjarstjórn Árborgar, staðfestist hér með, skv. 5. mgr 25. gr. laga nr. 7/1998 um hollustuhætti og mengunarvarnir, með síðari breytingum og öðlast gildi þegar í stað.

Samþykkt í Heilbrigðiseftirliti Suðurlands 15. desember 2010.

Samþykkt í bæjarstjórn 27. janúar 2009.

Ásta Stefánsdóttir, framkvæmdastjóri
Sveitarfélagsins Árborgar