2.11.2018 | 12. fundur framkvæmda- og veitustjórnar

Forsíða » Fundargerðir » Framkvæmda- og veitustjórn » 12. fundur framkvæmda- og veitustjórnar
image_pdfimage_print

12. fundur framkvæmda- og veitustjórnar Árborgar, kjörtímabilið 2018-2022, haldinn 15. október 2018 að Austurvegi 67, Selfossi, kl. 19:00.

Mætt:
Tómas Ellert Tómasson, formaður, M-lista
Álfheiður Eymarsdóttir, nefndarmaður, Á-lista
Viktor Pálsson, nefndarmaður, S-lista
Sveinn Ægir Birgisson, nefndarmaður, D-lista
Ragnheiður Guðmundsdóttir, nefndarmaður, D-lista
Jón Tryggvi Guðmundsson, framkvæmda- og veitustjóri

Dagskrá:

Almenn afgreiðslumál
1. 1807089 – Samningur við Rarik um lagningu þriggja fasa rafmagns í Svf. Árborg
Álfheiður Eymarsdóttir vék af fundi við afgreiðslu málsins.

Lagt er til að bæjarstjórn samþykki framlagða samninga við RARIK um lagningu þriggja fasa rafmagns að Grundarbæjum og að Kaldaðarnesi innan Sveitarfélagsins Árborgar.

Lagning þriggja fasa rafmagns hefur talsverð samlegðaráhrif með lagningu ljósleiðara á svæðinu en stefnt er að því að vinna þessi tvö verk í sama verki. Með þessu fyrirkomulagi munu Selfossveitur spara umtalsverða fjármuni vegna lagningar ljósleiðara.

Þá er framangreint fyrirkomulag til þess fallið að auka afhendingar- og rekstraröryggi á rafmagni á dreifisvæði RARIK.

Lagning þriggja fasa rafmagns er almennt til þess fallin að stuðla að aukinni atvinnuuppbyggingu sem og stuðla að möguleikum til frekari tæknivæðingar og þannig hafa jákvæð áhrif á núverandi búrekstur sem og allan annan atvinnurekstur.

Óskað er eftir að kostnaði vegna samninganna verði vísað til viðauka við fjárhagsáætlun.

2. 1810119 – Styrkir til uppsetningar á varmadælum 2019
Framkvæmda- og veitustjóra falið að auglýsa styrki til uppsetningar á varmadælum í samræmi við reglur Selfossveitna bs.

3. 1808015 – Larsenstræti – Gatnagerð
Stjórnin samþykkir að hefja verkhönnun við götur og veitulagnir í Larsenstræti. Óskað er eftir að skipulags- og byggingarnefnd geri smávægilegar breytingar á deiliskipulagi varðandi gatnahönnun.
Óskað er eftir að hönnunarkostnaði verði vísað til viðauka við fjárhagsáætlun. Áætlaður kostnaður er um 1,0 m.kr.

4. 1810121 – Gatnagerð við Nesbrú, Túngötu og Bakarísstíg á Eyrarbakka (Einarshöfn)
Stjórnin felur framkvæmda- og veitustjóra að hefja undirbúning við verkhönnun gatna- og veituhönnun við Einarshöfn á Eyrarbakka. Framkvæmdastjóra falið að leggja fram áætlun um hönnunarkostnað á næsta fundi.

5. 1804353 – Verðkönnun fyrir ljósleiðaravæðingu í Árborg
Framkvæmda- og veitustjóra falið að vinna útboðsgögn vegna 1. áfanga við lagningu ljósleiðara í dreifbýli. Formanni og framkvæmdastjóra falið að ganga til samninga við Flóahrepp um lagningu ljósleiðara að Baugsstöðum, Hólum og Hólaborg.
Stjórnin felur framkvæmda- og veitustjóra að sækja um styrk í fjarskiptasjóð vegna framkvæmda við áfanga 2.

6. 1809235 – Fjárfestingaráætlun 2019 og þriggja ára áætlun 2020-2022
Formanni og framkvæmda- og veitustjóra falið að leggja fram lokadrög að fjárfestingaráætlun 2019 fyrir næsta fund.

Fundargerð lesin upp og fundi slitið kl: 21:00

Tómas Ellert Tómasson Álfheiður Eymarsdóttir
Viktor Pálsson Sveinn Ægir Birgisson
Ragnheiður Guðmundsdóttir Jón Tryggvi Guðmundsson