17. fundur framkvæmda- og veitustjórnar

 

17. fundur framkvæmda- og veitustjórnar Árborgar, kjörtímabilið 2018-2022, haldinn miðvikudaginn 19. desember 2018 að Austurvegi 67, Selfossi, kl. 17:00. 

Mætt:                
Tómas Ellert Tómasson, formaður, M-lista
Álfheiður Eymarsdóttir, nefndarmaður, Á-lista
Viktor Pálsson, nefndarmaður, S-lista
Sveinn Ægir Birgisson, nefndarmaður, D-lista
Ragnheiður Guðmundsdóttir, nefndarmaður, D-lista
Jakob Ingvarsson, áheyrnarfulltrúi ungmennaráðs
Jón Tryggvi Guðmundsson, framkvæmda- og veitustjóri

Dagskrá: 

Almenn afgreiðslumál
1. 1811184 – Útistofur við Vallaskóla 2019
  Meirihluti stjórnar samþykkir að bjóða út tvær kennslustofur við Vallaskóla samkvæmt fyrirliggjandi tæknilýsingu frá Eflu ásamt viðbótum sem ræddar voru á fundinum.

Fulltrúar D- lista vilja árétta að allar lausnir verða skoðaðar fyrir bráðabirgðahúsnæði.

     
2. 1812119 – Snjómokstur í Árborg 2018-2019
  Deildarstjóri framkvæmda og þjónustu kynnti verklagsreglur vetrarþjónustu í sveitarfélaginu. Stjórnin samþykkir að reglurnar verði birtar ásamt uppfærðum snjómoksturskortum á vef sveitarfélagsins.

Stjórnin felur framkvæmdastjóra að senda fyrirspurn til Vegagerðarinnar varðandi uppfærslu á reglum um helmingamokstur á héraðsvegum Vegagerðarinnar.

Stjórnin leggur áherslu á að valdar gönguleiðir, sbr. snjómoksturskort, verði í forgangi í snjómokstri.

     
6. 1812120 – Erindi frá Gagnaveitu Reykjavíkur vegna lagningar ljósleiðara í húseignir Árborgar
  Stjórnin fagnar áhuga fjarskiptafyrirtækja á ljósleiðaravæðingu í þéttbýli Árborgar.
Stjórnin samþykkir að ljósleiðari verður lagður í húsnæði sveitarfélagsins enda falli enginn kostnaður á sveitarfélagið og frágangur lagnaleiða verði með fullnægjandi hætti.
     
Erindi til kynningar
3. 1809151 – Beiðni um samstarf – villikettir í Árborg og handsömun katta
  Deildarstjóri framkvæmda og þjónustu kynnti erindi frá Villiköttum. Stjórnin samþykkir að fara í endurskoðun á samþykktum og verklagi vegna gæludýrahalds í sveitarfélaginu.
     
4. 1811237 – Kerfisáætlun Landsnets 2019-2028
     
5. 1812045 – Viðbragðsáætlun vegna samfélagslegra áfalla í Sveitarfélaginu Árborg
  Lokadrög að viðbragðsáætlun vegna samfélagslegra áfalla í Sveitarfélaginu Árborg lögð fram til kynningar.
     
Stjórnin leitaði afbrigða að taka á dagskrá mál nr.1812124 – „Afdrif dýra sem ekki eru sótt eftir handsömun“ og var það samþykkt.
7. 1812124 – Afdrif dýra sem ekki eru sótt eftir handsömun
  Deildarstjóri framkvæmda og þjónustu kynnti erindi frá Villiköttum, Dýrahjálp Íslands og Kattavinafélaginu. Stjórnin samþykkir að fara í endurskoðun á samþykktum og verklagi vegna gæludýrahalds í sveitarfélaginu.
     

 

Fundargerð lesin upp og fundi slitið kl: 19:30

 

Tómas Ellert Tómasson   Álfheiður Eymarsdóttir
Viktor Pálsson   Sveinn Ægir Birgisson
Ragnheiður Guðmundsdóttir   Jakob Ingvarsson
Jón Tryggvi Guðmundsson