10.4.2014 | 178. fundur bæjarráðs

Forsíða » Fundargerðir » Bæjarráð » 178. fundur bæjarráðs
image_pdfimage_print

178. fundur bæjarráðs Árborgar, kjörtímabilið 2010-2014, haldinn fimmtudaginn 10. apríl 2014  í Setri Egils, Ráðhúsi Árborgar, Austurvegi 2, Selfossi, kl. 08:10. 

Mætt: Sandra Dís Hafþórsdóttir, bæjarfulltrúi, D-lista, varaformaður,

Ari B. Thorarensen, bæjarfulltrúi, D-lista, varamaður, Arna Ír Gunnarsdóttir, bæjarfulltrúi, S-lista, varamaður, Helgi Sigurður Haraldsson, áheyrnarfulltrúi, B-lista, Þórdís Eygló Sigurðardóttir, áheyrnarfulltrúi, V-lista, Ásta Stefánsdóttir, framkvæmdastjóri Sveitarfélagsins Árborgar, sem ritar fundargerð. 

Formaður leitaði afbrigða að taka á dagskrá umsókn um tækifærisleyfi fyrir Hvíta húsið, opnun um páska og kosningu fulltrúa til setu á aðalfundi Afréttarmálafélags Flóa. Var það samþykkt samhljóða. 

Dagskrá: 

Almenn afgreiðslumál

1.

1403316 – Fyrirhuguð skoðanakönnun um sameiningu sveitarfélaga

 

Bæjarráð leggur til við bæjarstjórn að í skoðanakönnun verði spurt hvort kjósendur vilji kanna möguleika á sameiningu sveitarfélaga eða ekki. Ef kjósendur vilja skoða slíkan möguleika verði gefnir þeir möguleikar að merkja við Árnessýslu sem eitt sveitarfélag eða sameinast einu eða fleiri sveitarfélögum í Árnessýslu.

 

   

2.

1404058 – Beiðni allsherjar- og menntamálanefndar Alþingis, dags. 4. apríl 2014, um umsögn – frumvarp til laga um eflingu tónlistarnáms, nám óháð búsetu

 

Lagt fram.

 

   

3.

1401004 – Endurskoðun innkaupareglna, drög að reglum

 

Bæjarráð leggur til við bæjarstjórn að reglurnar verði samþykktar.

 

   

4.

1402035 – Erindi frá Héraðssambandinu Skarphéðni, dags. 21. mars 2014, þakkir vegna samstarfs um Landsmót og tillaga frá héraðsþingi um uppbyggingu íþróttamannvirkja

 

Lagt fram. Bæjarráð þakkar HSK gott samstarf við framkvæmd Landsmóts UMFÍ sumarið 2013.

 

   

5.

1404066 – Beiðni velferðarnefndar Alþingis um umsögn – tillaga til þingsályktunar um mótun stefnu til að draga úr skaðlegum afleiðingum vímuefnaneyslu

 

Lagt fram.

 

   

6.

1402076 – Rekstrarsamningur Selfossvallar 2014 milli Sveitarfélagsins Árborgar og Ungmennafélags Selfoss

 

Bæjarráð staðfestir samninginn.

 

   

7.

1404086 – Tillaga frá fulltrúa B-lista um að jörðin Björk verði auglýst til sölu

 

Bæjarráð Svf. Árborgar samþykkir að auglýsa til sölu jörðina Björk, þann hluta hennar sem er í eigu sveitafélagsins. Greinargerð: Sveitarfélagið á jörðina Björk og einnig svokallað Björkustykki. Á gildandi aðalskipulagi er skipulag fyrir Björkustykki en ekki jörðina Björk og ekki séð að sveitarfélagið muni skipuleggja hana á næstu árum. Með því að auglýsa jörðina til sölu er fyrst og fremst verið að kanna hvort áhugi er til staðar á markaðnum til kaupa á henni. Að sjálfsögðu verður hún ekki seld nema viðunandi tilboð fáist. Helgi Sigurður Haraldsson, bæjarfulltrúi, B-lista. Tillagan var borin undir atkvæði og felld með öllum greiddum atkvæðum.

 

   

8.

1401001 – Beiðni um land á leigu til ræktunar á hvönn

 

Lagt er fram kort af svæði vestan Eyrarbakka, alls 19,2 ha spildu. Samþykkt er að úthluta helmingi þess lands sem merktur er á uppdrætti, úthlutun þess sem eftir ef er háð því að lögð verði fram viðskiptaáætlun vegna verkefnisins.

 

   

9.

1106016 – Fundargerð 1. og 2. fundar byggingarnefndar vegna viðbyggingar við Sundhöll Selfoss og tilboð frá verktaka

 

Bæjarráð staðfestir fundargerðirnar og leggur til við bæjarstjórn að gerður verði viðauki við fjárhagsáætlun þar sem fjármagn verði fært á milli ára í þriggja ára áætlun.

 

   

10.

1404087 – Beiðni um viðauka við fjárhagsáætlun vegna viðgerðar á svalahurðum í Grænumörk 5

 

Bæjarráð leggur til við bæjarstjórn að gerður verði viðauki við fjárhagsáætlun vegna viðgerðar á svalahurðum í Grænumörk 5 að fjárhæð 4 mkr.

 

   

11.

1404088 – Beiðni um heimild til að hafa opið til kl. 05 aðfaranótt 19. apríl, tækifærisveitingaleyfi – 800 Bar

 

Bæjarráð heimilar fyrir sitt leyti að opið verði til kl 04 aðfaranótt 19. apríl.

 

 

 

12.

1403380 – Fundartími bæjarráðs 2014

 

Bæjarráð samþykkir að fundur í næstu viku verði á miðvikudegi, 16. apríl. Fundur falli niður í vikunni þar á eftir og fundur sem vera á 1. maí verði 30. apríl.

 

   

13.

1404111 – Tækifærisveitingaleyfi – Hvíta húsið um páskana

 

Bæjarráð samþykkir fyrir sitt leyti að opið verði til kl. 04 aðfaranótt 17. apríl og 20. apríl.

 

   

Erindi til kynningar

14.

1404028 – Erindi frá Héraðssambandinu Skarphéðni, dags. 31. mars 2014, tillögur frá 92. héraðsþingi

 

Lagt fram.

 

   

15.

1404035 – Tilkynning Lánasjóðs sveitarfélaga ohf. dags. 2. apríl 2014, um arðgreiðslu vegna ársins 2013

 

Lagt fram.

 

   

16.

1402106 – Niðurstöður könnunar á vegum SASS um leiguhúsnæði á Suðurlandi

 

Lagt fram.

 

   

17.

1404065 – Framtíðarfyrirkomulag um alþjónustu um tengingu við almenna fjarskiptanetið, samantekt kynningarfundar fyrir sveitarfélög um fjarskiptamál.

 

Lagt fram.

 

   

Bæjarráð samþykkir að Halldór Vilhjálmsson verði fulltrúi á aðalfundi Afréttarmálafélags Flóa og Skeiða. 

Fundargerð lesin upp og fundi slitið kl: 09:15.
 

Sandra Dís Hafþórsdóttir                                         
Ari B. Thorarensen
Arna Ír Gunnarsdóttir                                                          
Helgi Sigurður Haraldsson
Þórdís Eygló Sigurðardóttir                                     
Ásta Stefánsdóttir