15.3.2019 | 28. fundur bæjarráðs

Forsíða » Fundargerðir » Bæjarráð » 28. fundur bæjarráðs

image_pdfimage_print

 


28. fundur bæjarráðs Árborgar, kjörtímabilið 2018-2022, haldinn fimmtudaginn 14. mars 2019 í Setri Egils, Ráðhúsi Árborgar, Austurvegi 2, Selfossi, kl. 17:00.

Mætt:                       

Eggert Valur Guðmundsson, formaður, S-lista
Sigurjón Vídalín Guðmundsson, bæjarfulltrúi, Á-lista
Gunnar Egilsson, bæjarfulltrúi, D-lista
Gísli Halldór Halldórsson, bæjarstjóri

Dagskrá: 

Almenn erindi
1. 1903038 – Umsögn – tillaga til þingsályktunar um þjóðaratkvæðagreiðslu um framtíð Reykjavíkurflugvallar
1-1903038
  Erindi frá umhverfis- og samgöngunefnd Alþingis, dags. 6. mars, þar sem boðið er upp á umsögn um tillögu til þingsályktunar um þjóðaratkvæðagreiðslu um framtíð Reykjavíkurflugvallar, mál 86.
  Lagt fram til kynningar.
     
2. 1903100 – Umsögn – frumvarp til laga um breytingu á sveitarstjórnarlögum um fjölda fulltrúa í sveitarstjórn
2-1903100
  Erindi frá umhverfis- og samgöngunefnd Alþingis, dags. 11. mars, þar sem óskað er eftir umsögn um frumvarp til laga um breytingu á sveitarstjórnarlögum (fjöldi fulltrúa í sveitarstjórn), mál 90.
  Lagt fram til kynningar.
     
3. 1903035 – Stofnframlög til byggingar eða kaupa á almennum íbúðum 2019
3-1903035
  Tilkynning frá Íbúðalánasjóði um að búið sé að opna fyrir umsóknir um stofnframlög.
  Lagt fram til kynningar.
     
4. 1902193 – Rekstrarleyfisumsögn – Tryggvaskáli
4-1902193
  Erindi frá Sýslumanninum á Suðurlandi, dags. 19. febrúar, þar sem óskað er eftir umsögn um rekstrarleyfi til sölu veitinga í flokki III veitingahús – Tryggvaskáli. Samþykkt var að veita jákvæða umsögn á afgreiðslufundi skipulags- og byggingarnefndar 27. febrúar sl.
  Bæjarráð gefur jákvæða umsögn um að rekstrarleyfið verði veitt.
     
5. 1903016 – Rekstrarleyfisumsögn – Central Apartment
5-1903016
  Erindi frá Sýslumanninum á Suðurlandi, dags. 4. mars, þar sem óskað er eftir umsögn um rekstrarleyfi gististaður án veitinga í flokki II – Eyravegur 7, Selfossi. Samþykkt var að veita jákvæða umsögn á 15. fundi skipulags- og byggingarnefndar.
  Bæjarráð gefur jákvæða umsögn um að rekstrarleyfið verði veitt.
     
6. 1703281 – Mat á umhverfisáhrifum við hreinsistöð fráveitu við Geitanesflúðir
6-1703281
  Ákvörðun Skipulagsstofnunar um tillögu að matsáætlun – Hreinsistöð fráveitu á Selfossi.
  Lagt fram til kynningar.
     
7. 1903021 – Endurskoðun samgönguáætlunar Suðurlands 2019-2028
7-1903021
  Sveitarfélagið Árborg – Helstu forgangsverkefni SASS í samgöngumálum.
  1. Hver eru þrjú helstu forgangsverkefni í nýframkvæmdum er varða samgöngur í sveitarfélaginu ykkar?
* Hringtorg og undirgöng á Eyrarvegi við Suðurhóla á Selfossi
* Ný brú yfir Ölfusá
* Umferðarmannvirki vegna þungaumferðar sunnan Selfoss (Tenging hringvegar við Þorlákshöfn)2. Hver eru þrjú helstu forgangsverkefni í rekstri og viðhaldi samgöngumannvirkja í sveitarfélaginu ykkar?
* Umferð gangandi og hjólandi um núverandi Ölfusárbrú verði bætt
* Ástand Eyravegar er slæmt og aðkallandi að Vegagerðin fari í gagngerar endurbætur
* Austurvegur á Selfossi þarfnast mikilla endurbóta3. Ef horft er á Suðurland sem heild, hvaða þrjár samgönguframkvæmdir myndi sveitarstjórn ykkar setja fremst á blað, aðrar en í ykkar sveitarfélagi?
* Tvöföldun Suðurlandsvegar verði hraðað sem kostur er
* Uppbygging og endurbætur á Þrengslavegi með breikkun vegar og bættri veglínu
* Uppbygging hafnarmannvirkja í Þorlákshöfn4. Hver er afstaða sveitarstjórnar er varða áætlanir ríkisstjórnar um veggjöld?
* Afstaða Árborgar liggur ekki fyrir þar sem endanleg útfærsla á álagningu veggjalda er ekki ljós

5. Hvaða sýn hefur sveitarstjórn á fyrirkomulag almenningssamgangna á Suðurlandi?
* Ríkissjóður þarf að leggja mun meira fé í almenningssamgöngur svo auka megi tíðni ferða og bjóða ódýr fargjöld svo að almenningur fari að líta á þær sem raunhæfan valkost.

     
8. 1903073 – Svæðisskipulag Suðurhálendisins
8-1903073
  Beiðni frá SASS, dags. 8. mars sl., um tilnefningu tveggja kjörinna fulltrúa og eins kjörins til vara frá hverju bæjar- og sveitarfélagi á Suðurlandi sem á land að Suðurhálendinu. Fulltrúarnir verða svo boðaðir á fund um hugmyndir um gerð svæðisskipulags fyrir Suðurhálendið.
  Fulltrúar Árborgar verða Ari Björn Thorarensen og Helgi S. Haraldsson. Varamaður verður Sigurjón V. Guðmundsson.
     
9. 1903071 – Samráðsvettvangur Sóknaráætlunar Suðurlands 2020-2024
9-1903071
  Beiðni frá SASS, dags. 15. febrúar, þar sem óskað er eftir tilnefningu á samráðsvettvagn Sóknaráætlunar Suðurlands 2020-2024. Sveitarfélögin á Suðurlandi eru beðin um að tilnefna fjóra fulltrúa á samráðsvettvanginn/fundinn, tvo kjörna fulltrúa og tvo aðra fulltrúa úr sveitarfélaginu. Samráðsvettvangur Sóknaráætlunar Suðurlands 2020 – 2024 verður haldinn á Hótel Selfossi 4. apríl 2019, klukkan 12.00 – 16:00.
  Bæjarráð tilnefnir fyrir hönd Svf. Árborgar sem fulltrúa í samráðsvettvang Sóknaráætlunar 2020-2024:
Tómas Ellert Tómasson,bæjarfulltrúa,
Kjartan Björnsson, bæjarfulltrúa,
Braga Bjarnason,
Jónu Sólveigu Elínardóttur.
     
10. 1710064 – Heilsueflandi samfélag
  Minnisblað frá Braga Bjarnasyni, menningar- og frístundafulltrúa
  Bæjarráð samþykkir að skipa stýrihóp Sveitarfélagsins Árborgar um verkefnið Heilsueflandi samfélag. Fulltrúar í hópnum eru eftirfarandi:

– Guðmundur Kr. Jónsson, fulltrúi íþrótta- og menningarnefndar, eldri borgari
– Páll Sveinsson, fulltrúi úr grunnskólum Árborgar
– Ásrún Aldís Hreinsdóttir, fulltrúi úr Ungmennaráði
– Díana Gestsdóttir, fulltrúi búsettur á Selfossi og tengd heilsueflandi leikskólum
– Esther Guðmundsdóttir, fulltrúi búsettur á Eyrarbakka

Bragi Bjarnason verður starfsmaður hópsins

     
Fundargerð
11. 1902019F – Skipulags og byggingarnefnd – 15 
  Bæjarráð óskar eftir því við skipulags- og byggingarnefnd að unnar verði reglur um leyfisveitingar vegna reksturs gistiheimila í sveitarfélaginu. Tillaga að reglum verði lögð fyrir bæjarráð fyrir lok apríl mánaðar.
  11.8 1902208 – Tillaga að deiliskipulagi fyrir Vonarland Stokkseyri.
 
  Niðurstaða skipulags- og byggingarnefndar 
  Lagt til við bæjarstjórn að deiliskipulagstillagan verði auglýst.Sigurjón Vídalín Guðmundsson vék af fundi við afgreiðslu málsins.
   
 
  11.18 1811139 – Ósk um deiliskipulag – Vöttur
 
  Niðurstaða skipulags- og byggingarnefndar 
  Lagt er til við bæjarstjórn að deiliskipulagstillagan verði auglýst.
   
 
     
Fundargerðir til kynningar
12. 1903090 – Fundargerðir hverfisráðs Eyrarbakka
12-1903090
  25. fundur hverfisráðs Eyrarbakka, haldinn 10. mars 2019, ásamt tillögum að breytingum á samþykktum fyrir hverfisráð Sveitarfélagsins Árborgar
  Bæjarráð þakkar metnaðarfulla tillögu hverfisráðs Eyrarbakka að nýjum samþykktum hverfisráða Árborgar en frestar frekari umfjöllun um tillöguna þar til öðrum hverfisráðum hefur gefist kostur á að koma á framfæri sínum tillögum um þær.
     

 

Fundargerð lesin upp og fundi slitið kl: 18:15

 

Eggert Valur Guðmundsson   Sigurjón Vídalín Guðmundsson
Gunnar Egilsson   Gísli Halldór Halldórsson