31.5.2018 | 40. fundur íþrótta- og menningarnefndar

Forsíða » Fundargerðir » 40. fundur íþrótta- og menningarnefndar
image_pdfimage_print


40. fundur íþrótta- og menningarnefndar Árborgar, kjörtímabilið 2014-2018, haldinn fimmtudaginn 24. maí 2018 í Norðursal, Ráðhúsi Árborgar, Austurvegi 2, Selfossi, kl. 06:30.
 

Mætt:
Kjartan Björnsson, formaður, D-lista
Axel Ingi Viðarsson, nefndarmaður, D-lista
Helga Þórey Rúnarsdóttir, nefndarmaður, D-lista
Sesselja Sumarrós Sigurðardóttir, nefndarmaður, S-lista
Estelle Burgel, nefndarmaður, Æ-lista
Bragi Bjarnason, menningar- og frístundafulltrúi 

Formaður leitar afbrigða að taka á dagskrá mál nr. 18051713, 18051705 og 18051712. Samþykkt samhljóða.

Bragi Bjarnason ritar fundagerð.

Dagskrá: 

Almenn afgreiðslumál
1.   18051697 – 17.júní hátíðarhöld á Selfossi 2018
  Bergsveinn Theodórsson kemur inn á fundinn og fer yfir dagskrárdrög fyrir 17. júní hátíðarhöldin á Selfossi 2018. Fram kom að helstu dagskrárviðburðir væru á sínum stað líkt og opið hús í Björgunarmiðstöðinni, Selfossrútan, morgunjóga, skrúðganga o.fl. Dagskrá í Sigtúnsgarðinum verður eftir hádegi og þar verður öll dagskrá og leiktæki án endurgjalds fyrir íbúa og gesti. Meðal listamanna sem koma fram eru Sverrir Þór Sverrisson, Svala Björgvinsdóttir og Stjörnu- Sævar. Tónleikar í Hellisskógi heppnuðust vel í fyrra og er stefnan að halda áfram með þá hugmynd í samstarfi við ungmennaráð Árborgar. Nefndinni líst vel á dagskrárdrögin og hvetur íbúa og gesti til að taka þátt í þessum hátíðardegi okkar Íslendinga.
     
2.   18051713 – Byggðaskilti við hvern byggðarkjarna í Árborg
  Lögð fram drög að textum sem kæmu á skilti sem yrðu sett við hvern þéttbýliskjarna í Sveitarfélaginu Árborg. Skiltunum er bæði ætlað að bjóða gesti velkomna sem og upplýsa um helstu sérkenni og afþreyingu á staðnum. Starfsmanni nefndarinnar falið að vinna málið áfram eftir þeim ábendingum sem komu fram á fundinum.
     
3.   18051705 – Tónsmiðja KÍTÓN á Eyrarbakka haust 2018
  Lagt fram erindi frá Kítón, félagi kvenna í tónlist um tónsmiðju á Eyrarbakka haustið 2018. Nefndin tekur vel í hugmyndina og felur starfsmanni að ræða við fulltrúa Kítón til að fá nánari upplýsingar um verkefnið og aðkomu sveitarfélagsins að því.
     
Erindi til kynningar
4.   1707234 – Hönnun Sigtúnsgarðs – undirbúningur framkvæmda
  Lögð fram fyrstu drög að hönnun Sigtúnsgarðsins og Heiðarvegsróló frá Hermanni Ólafssyni í Landhönnun.
     
5.   18051696 – Æfinga- og útivistarsvæði fyrir eldri borgara
  Lagðar fram til kynningar hugmyndir að æfinga- og útivistarsvæði fyrir eldri borgara á svokölluðu „Sýslumannstúni“ á Selfossi.
     
6.   18051712 – Hagir og líðan ungs fólks í Árborg 2018
  Lagt fram til kynningar. Fulltrúar frá Rannsóknum og greiningu koma síðan í ágúst til að kynna niðurstöðurnar.
     

 

Formaður vill koma þökkum til nefndarmanna fyrir gott samstarf á kjörtímabilinu sem er að ljúka.

Fundargerð lesin upp og fundi slitið kl: 7:40

Kjartan Björnsson   Axel Ingi Viðarsson
Helga Þórey Rúnarsdóttir   Sesselja Sumarrós Sigurðardóttir
Estelle Burgel   Bragi Bjarnason