49. fundur bæjarráðs

49. fundur bæjarráðs Árborgar, kjörtímabilið 2014-2018, haldinn fimmtudaginn 17. september 2015 í Setri Egils, Ráðhúsi Árborgar, Austurvegi 2, Selfossi, kl. 08:10. 

Mætt: Sandra Dís Hafþórsdóttir, bæjarfulltrúi, D-lista, varaformaður, Kjartan Björnsson, varamaður, D-lista, Helgi Sigurður Haraldsson, bæjarfulltrúi, B-lista, Arna Ír Gunnarsdóttir, áheyrnarfulltrúi, S-lista, Ásta Stefánsdóttir, framkvæmdastjóri Sveitarfélagsins Árborgar, sem ritaði fundargerð.

Viðar Helgason, áheyrnarfulltrúi, Æ-lista, boðaði forföll.

Varaformaður leitaði afbrigða til að taka á dagskrá trúnaðarmál. Var það samþykkt samhljóða.

Dagskrá: 

Fundargerðir til staðfestingar
1. 1501031 – Fundargerð framkvæmda- og veitustjórnar
17. fundur haldinn 9. september
Fundargerðin staðfest.
2. 1501028 – Fundargerð fræðslunefndar
13. fundur haldinn 10. september
Fundargerðin staðfest.
Almenn afgreiðslumál
3. 1509052 – Auglýsing Atvinnuvega- og nýsköpunarráðuneytisins um byggðakvóta fiskveiðiársins 2015-2016
Bæjarráð felur framkvæmdastjóra sveitarfélagsins að sækja um byggðakvóta fyrir Eyrarbakka og Stokkseyri.
4. 1509044 – Styrkbeiðni Samtaka dagforeldra á Suðurlandi, dags. 8. september 2015
Bæjarráð óskar eftir upplýsingum frá fræðslusviði um fjölda dagforeldra í Árborg og barna í daggæslu, fjárhæðir niðurgreiðslna og gjöld fyrir dagvistun.
5. 1509061 – Beiðni Auðar Lilju Arnþórsdóttur og Hauks Gunnarssonar, dags. 9. september 2015, um umsögn – stofnun lögbýlis að Ásamýri 1
Bæjarráð óskar eftir umsögn skipulags- og byggingarnefndar.
6. 1506207 – Styrkbeiðni Fischerseturs vegna skákkennsla í Fischersetri 2015-2016
Bæjarráð óskar eftir kostnaðaráætlun og staðfestingu á því hverjir muni annast kennslu á námskeiðinu og hvenær það muni fara fram.
7. 1503158 – Beiðni Sigtúns þróunarfélags um framlengingu vilyrðis fyrir lóðum í miðbæ Selfoss
Upphaflegt vilyrði var veitt til sex mánaða með möguleika á framlengingu til sama tíma. Bæjarráð samþykkir framlengingu vilyrðis til sex mánaða.
8. 1509098 – Trúnaðarmál
Fært í trúnaðarbók.
Erindi til kynningar
9. 1509047 – Tillögur af aðalfundi Umf. Selfoss 2015
Lagt fram til kynningar.
10. 1509078 – Fundur sveitarstjórna og fjárlaganefndar alþingis 2015
Lagt fram til kynningar.

Fundargerð lesin upp og fundi slitið kl: 09:40.

Sandra Dís Hafþórsdóttir Kjartan Björnsson
Helgi Sigurður Haraldsson Viðar Helgason
Arna Ír Gunnarsdóttir Ásta Stefánsdóttir