52. fundur bæjarráðs


52. fundur bæjarráðs Árborgar, kjörtímabilið 2014-2018, haldinn fimmtudaginn 8. október 2015 í Setri Egils, Ráðhúsi Árborgar, Austurvegi 2, Selfossi, kl. 08:10.
 

Mætt: Gunnar Egilsson, formaður, D-lista, Sandra Dís Hafþórsdóttir, bæjarfulltrúi, D-lista, Helgi Sigurður Haraldsson, bæjarfulltrúi, B-lista, Viðar Helgason, áheyrnarfulltrúi, Æ-lista, Arna Ír Gunnarsdóttir, áheyrnarfulltrúi, S-lista, Ásta Stefánsdóttir, framkvæmdastjóri Sveitarfélagsins Árborgar, sem ritar fundargerð.

Dagskrá: 

Fundargerðir til kynningar
1. 1501033 – Fundargerð fagráðs Tónlistarskóla Árnesinga
174. fundur haldinn 28. september 2015
Fundargerðin lögð fram.
2. 1501157 – Fundargerð stjórnar Sorpstöðvar Suðurlands
242. fundur haldinn 28. september 2015
Fundargerðin lögð fram.
3. 1502151 – Fundargerð heilbrigðisnefndar Suðurlands
167. fundur haldinn 24. september 2015
Fundargerðin lögð fram.
Almenn afgreiðslumál
4.
1509234 – Ályktun Landssamtakanna Heimilis og skóla um endurnýjun gervigrasvalla með dekkjakurli
Ályktunin lögð fram. Unnið er að úttekt á kostnaði við breytingar, s.s. við það að næst þegar skipt verði um gúmmí á völlunum verði notuð önnur tegund af gúmmíi. Áætlun verður gerð um endurnýjun gervigrasvalla.
5. 1509240 – Beiðni Allsherjar- og menntamálanefndar, dags. 28. september 2015 um umsögn um tillögu til þingsályktunar um styrkingu leikskóla og fæðingarorlofs
Bæjarráð Árborgar tekur undir nauðsyn þess að lengja fæðingarorlof, en bendir á að styrkja þurfi tekjustofna sveitarfélaga ef gera á leikskólann gjaldfrjálsan fyrir börn frá 12 mánaða aldri. Nettókostnaður Sveitarfélagsins Árborgar við rekstur leikskóla er áætlaður 826,5 mkr á árinu 2015. Hlutdeild foreldra með þátttökugjöldum nemur um 16% af kostnaði við rekstur leikskóla.
6. 1509252 – Erindi Minjastofnunar Íslands dags. 16. september 2015, varðandi undirbúning friðlýsingar sumarhúss Páls Ísólfssonar, Ísólfsskála, Stokkseyri
Bæjarráð hefur ekki athugasemdir við áform um friðlýsingu Ísólfsskála.
7. 1510010 – Beiðni Sýslumannsins á Suðurlandi, dags. 1. október 2015, um umsögn um rekstrarleyfisumsókn – gisting að Bankavegi 6, Selfossi, í flokki II, íbúðir, umsækjandi Einar Valur Oddsson.
Bæjarráð gefur jákvæða umsögn um erindið.
8. 1509055 – Beiðni UMFS, dags. 1. október 2015 um heimild til að gera breytingar á innra skipulagi Tíbrár, búningsklefum verði breytt á skrifstofu- og félagsaðstöðu
Bæjarráð gefur heimild fyrir breytingum á innra skipulagi í búningsklefum í Tíbrá. Kostnaður greiðist af UMFS.
9. 1510037 – Erindi Björns Rúrikssonar, dags. 5. október 2015, þar sem hann lýsir áhuga á að verða bæjarlistamaður og gerir grein fyrir tillögu að fyrirkomulagi m.a. hvað varðar sýningar og kynningu í stofnunum sveitarfélagsins.
Bæjarráð vísar erindinu til íþrótta- og menningarnefndar til umsagnar.
10. 1505208 – Bæjarráðsfundir í 42. og 44. viku ársins. Fundartímar bæjarráðs vegna Héraðsnefndarfundar og ársþings SASS.
Samþykkt að fundir verði á miðvikudögum í stað fimmtudaga í viku 42 og 44.

Fundargerð lesin upp og fundi slitið kl: 09:15.

Gunnar Egilsson
Sandra Dís Hafþórsdóttir
Helgi Sigurður Haraldsson
Viðar Helgason
Arna Ír Gunnarsdóttir
Ásta Stefánsdóttir