3.12.2015 | 58. fundur bæjarráðs

Forsíða » Fundargerðir » Bæjarráð » 58. fundur bæjarráðs
image_pdfimage_print


58. fundur bæjarráðs Árborgar, kjörtímabilið 2014-2018, haldinn fimmtudaginn 3. desember 2015 í Setri Egils, Ráðhúsi Árborgar, Austurvegi 2, Selfossi, kl. 08:10.
 

Mætt: Gunnar Egilsson, formaður, D-lista, Sandra Dís Hafþórsdóttir, bæjarfulltrúi, D-lista, Íris Böðvarsdóttir, varamaður, B-lista, Eyrún B. Magnúsdóttir, varamaður, áheyrnarfulltrúi, Æ-lista, Arna Ír Gunnarsdóttir, áheyrnarfulltrúi, S-lista, Ásta Stefánsdóttir, framkvæmdastjóri Sveitarfélagsins Árborgar, sem ritaði fundargerð.

Formaður leitaði afbrigða að taka á dagskrá fundargerð skipulags- og byggingarnefndar frá 2. Desember, var það samþykkt samhljóða.

Dagskrá: 

Fundargerðir til staðfestingar
1. 1501026 – Fundargerð skipulags- og byggingarnefndar
-liður 14, mál nr. 151199, umsókn um framkvæmdaleyfi fyrir rannsóknarborholum, umsækjandi Selfossveitur. Bæjarráð leggur til við bæjarstjórn að umsóknin verði samþykkt. -liður 20, mál nr. 1512004, umsókn um framkvæmdaleyfi fyrir götulýsingu við Vatnsdal á Stokkseyri, umsækjandi Sveitarfélagið Árborg. Bæjarráð leggur til við bæjarstjórn að umsóknin verði samþykkt. Fundargerðin staðfest.
Fundargerðir til kynningar
2. 1501278 – Fundargerð stjórnar SASS
500. fundur haldinn 19. nóvember
-liður 3, ART- verkefnið, bæjarráð Árborgar tekur undir áhyggjur stjórnar SASS vegna fyrirhugaðra áætlana ríkisstjórnar um að leggja niður ART- verkefnið á Suðurlandi. Skorað er á þingmenn Suðurlands að standa vörð um þetta mikilvæga verkefni og óskað er eftir að félags- og húsnæðismálaráðherra gangi strax frá nýjum samningi um ART- verkefnið til frambúðar. Bent er á að það að fella verkefnið niður er í hróplegu ósamræmi við nýframkomna stefnu og aðgerðaáætlun í geðheilbrigðismálum en þar er sérstaklega fjallað um geðræktarstarf í skólum. Fundargerðin lögð fram.
3. 1502042 – Fundargerð stjórnar Sambands íslenskra sveitarfélaga
832. fundur haldinn 20. nóvember
-liður 3, bæjarráð Árborgar fagnar því að unnið sé markvisst að breytingum á skiptingu tekjustofna milli ríkis- og sveitarfélaga. Fundargerðin lögð fram.
Almenn afgreiðslumál
4. 1511145 – Beiðni Jens Sigurðssonar, dags. 10. nóvember 2015, um leigu á netaveiði við Óseyrarnes sumarið 2016 og til lengri tíma
Bæjarráð hefur ekki hug á að leigja út netaveiði fyrir landi Óseyrarness.
5. 1511182 – Styrkbeiðni Fischerseturs, dags. 25. nóvember 2015, vegna húsaleigu Fischersetursins 2015
Bæjarráð sér sér ekki fært að verða við erindinu. Almennt veitir sveitarfélagið ekki styrki til greiðslu húsaleigu félagasamtaka.
6. 1511234 – Beiðni félagasamtakanna 825 Þorparinn, dags. 21. september 2015, ásamt undirskriftarlista um að draga úr götulýsingu á Stokkseyri í tilraunaskyni, verkefnið „Stokkseyri rómantískasti bær á Íslandi?“
Bæjarráð þakkar áhugavert erindi og felur framkvæmdastjóra framkvæmda- og veitusviðs að leita leiða til að útfæra stýringar á lýsingunni.
Erindi til kynningar
7. 1511184 – Bréf Innanríkisráðuneytisins dags. 23. nóvember 2015, þar sem vakin er athygli á breytingum á eldri lögræðislögum
Lagt fram.
8. 1511210 – Erindi frá Sambandi íslenskra sveitarfélaga, dags. 26. nóvember 2015, leiðbeiningar fyrir almannavarnanefndir
Lagt fram.

Fundargerð lesin upp og fundi slitið kl: 9:10

Gunnar Egilsson Sandra Dís Hafþórsdóttir
Íris Böðvarsdóttir Eyrún B. Magnúsdóttir
Arna Ír Gunnarsdóttir Ásta Stefánsdóttir