5.2.2019 | Að bera meira úr býtum

Forsíða » Fréttir » Að bera meira úr býtum

image_pdfimage_print

Fimmtudaginn 24. janúar sl. var haldin málstofan Að bera meira úr býtum á vegum Rannsóknarstofu um þróun skólastarfs í Háskóla Íslands. Þar voru kynntar helstu niðurstöður rannsóknar- og samstarfsverkefnis þriggja grunnskóla og Rannsóknarstofunnar. Margir fulltrúar Árborgar létu til sín taka en eftir kynningu Eddu Kjartansdóttur, fundarstjóra, var Þorsteinn Hjartarson, fræðslustjóri með setningarávarp. Eftir kynningu Önnu Kristínar Sigurðardóttur, verkefnastjóra, var „litið inn í“ Sunnulækjarskóla þar sem kennararnir Sigfríður Sigurgeirsdóttir, Anna Guðrún Steindórsdóttir og Steinunn H. Eggertsdóttir fjölluðu um teymiskennslu á  öllum stigum.

Eftir að fulltúar Hörðuvallaskóla í Kópavogi og Háaleitisskóla í Reykjavík höfðu kynnt sín verkefni tók Birgir Edwald, skólastjóri Sunnulækjarskóla, þátt í pallborði þar sem hann og skólastjórar hinna skólanna sögðu frá reynslu sinni og hvað þeir hefðu lært af því að taka þátt í verkefninu. Fleiri komu við sögu í málstofunni og er hægt að nálgast hana á vefnum, sjá nánar hér.