7.8.2014 | Aldamótahátíðin á Eyrarbakka laugardaginn 9. ágúst

Forsíða » Fréttir » Aldamótahátíðin á Eyrarbakka laugardaginn 9. ágúst

image_pdfimage_print

Hin árlega Aldamótahátíð á Eyrarbakka fer fram laugardaginn 9. ágúst nk. á Eyrarbakka. Hátíðin er vegleg að vanda en dagskráin hefst með skrúðgöngu kl. 11:00 sem fer frá Barnaskólanum en gengið er að kjötkötlunum þar sem boðið verður upp á kjötsúpu. Fjölmargir aðrir viðburðir verða þennan dag og má nefna opinn garð að Túngötu 57, pútnahús við Stað, fiskverkun um aldamótin á planinu við Stað og gifting í pútnahúsinu en það eru sigurvegarar í fegurðasamkeppni hænsna sem eru gefin saman. Söfnin á staðnum eru opin og með tilboð í tilefni dagsins. kl. 18:00 er slegið upp opnu grilli við Stað og um kvöldið er aldamótadansleikur í Rauða Húsinu. Nánari dagskrá má sjá hér að neðan.

Aldamótahátíð 2014 – Dagskrá