4.1.2019 | Alþjóðaflugvöllur í Flóanum – fundur með landeigendum

Forsíða » Fréttir » Alþjóðaflugvöllur í Flóanum – fundur með landeigendum

image_pdfimage_print

Alþjóðaflugvöllur í Flóanum – fundur með landeigendum

Sveitarfélagið Árborg hefur boðað landeigendur til fundar þriðjudaginn 8. janúar. Á fundinn eru boðaðir þeir sem eiga jarðir á áhrifssvæði hugsanlegs flugvallar í Flóanum, þar sem heitir Stokkseyrarmýri og Brautartunga. Kynnt verða áform um að hefja rannsóknir á kostum og göllum staðsetningar alþjóðaflugvallar á þessum stað.

Til skoðunar er að Sveitarfélagið Árborg samþykki viljayfirlýsingu um að slíkar rannsóknir fari fram. Áður en tillaga um viljayfirlýsingu verður lögð fyrir bæjarstjórn er nauðsynlegt að fá fram sjónarmið landeigenda, bæði afstöðu til staðsetningarinnar og einnig upplýsingar sem þeir gætu komið á framfæri og varða framkvæmd rannsókna.

Landeigendur sem telja sig á áhrifssvæði en hafa ekki fengið fundarboð geta haft samband og fengið frekari upplýsingar.

 

Gísli H. Halldórsson, bæjarstjóri.