9.11.2017 | Árborg skoraði hátt á afmælishátíð Erasmus+

Forsíða » Fréttir » Árborg skoraði hátt á afmælishátíð Erasmus+

image_pdfimage_print

Óhætt er að segja að að Árborg hafi skorað hátt á 30 ára afmælishátíð Erasmus+ sem haldin var í Hörpu miðvikudaginn 9. nóvember 2017. Skólaþjónusta Árborgar fékk gæðaviðurkenningu fyrir verkefnið Nám, störf og lærdómssamfélag í flokknum leik-, grunn- og framhaldsskólastig. Anna Ingadóttir, Páll Sveinsson og Þorsteinn Hjartarson tóku á móti viðurkenningunni fyrir hönd skóla og skólaþjónustu. Verkefni Árborgar var valið úr öllum verkefnum í þessum flokki sem hafa hlotið Erasmus+styrk síðastliðin þrjú ár. Þá var ungmennaráð Árborgar tilnefnt í flokknum æskulýðsstarf fyrir verkefnið Ráðstefna  ungmennaráða á Suðurlandi. Verkefni ungmennaráðs var eitt þriggja verkefna sem tilnefnd voru í þessum flokki úr fjölmörgum öðrum. Dómnefnd horfði til gæða, nýsköpunar, yfirfærslumöguleika, áhrifa til skemmri og lengri tíma og verkefnastjórnunar við val á verðlaunaverkefnunum. Það er ánægjulegt að sjá þennan góða árangur Árborgar bæði í skólahluta Erasmus+ og æskulýðshluta.

 

Fulltrúar Árborgar sem mættu á hátíðina stilltu sér upp fyrir myndatöku.

Nánari umfjöllun um verkefnið Nám, störf og lærdómssamfélag má sjá á heimasíðu Árborgar.

Einnig er hægt að nálgast skemmtilega umfjöllun um ráðstefnu ungmennaráða á Suðurlandi á YouTube

Sjá einnig myndir á facebooksíðu Rannís frá afhendingu gæðaviðurkenningar til fulltrúa Árborgar

Posted by Erasmus+ Evrópa unga fólksins on 9. nóvember 2017

Posted by Erasmus+ Evrópa unga fólksins on 9. nóvember 2017