9.5.2019 | Auglýsing um deiliskipulagstillögu við Austurveg á Selfossi milli Sigtúns og Fagurgerðis

Forsíða » Auglýsingar » Auglýsing um deiliskipulagstillögu við Austurveg á Selfossi milli Sigtúns og Fagurgerðis
image_pdfimage_print

Samkvæmt 1. mgr. 40. gr. skipulagslaga nr. 123/2010 er hér kynnt lýsing deiliskipulagsáætlunar við Austurveg milli Sigtúns og Fagurgerðis á Selfossi í Sveitarfélaginu Árborg. Um er að ræða deiliskipulag á skipulagssvæði sem skilgreint er sem íbúðarsvæði og miðsvæði. Skipulagssvæðið afmarkast af Austurvegi í suðri, Sigtúni í vestri, Árvegi í norðri og Fagurgerði í austri. Svæðið er um 48.400 m2 að stærð. Í fyrirhugaðri deiliskipulagstillögu verða skilgreindir byggingarreitir innan lóða. Tiltekið verður meðal annars hámarksbyggingarmagn (nýtingarhlutfall) innan hvers reits og hámarks hæð húsa. Nýtingarhlutfall lóða á íbúðarsvæðum er 0,3 – 0,45 en á miðsvæðum á bilinu 1,0 – 2,0. Ef um er að ræða mögulega hættu vegna flóða verður tilgreind lágmarks hæð gólfkóta íbúðarhúsa. Hæð botnplötu ber að vera yfir flóðalínu. Lýsing deiliskipulagsáætlunarinnar mun liggja frammi á skrifstofu skipulags- og byggingarfulltrúa að Austurvegi 67, Selfossi og í Ráðhúsi Árborgar að Austurvegi 2, Selfossi á skrifstofutíma frá kl. 8-15. Skriflegum ábendingum er hægt að koma á framfæri á sama stað og á netfangið bardur@arborg.is fyrir 24. maí 2019. Einnig er hægt að kynna sér lýsinguna á heimasíðu sveitarfélagsins, http://www.arborg.is

Deiliskipulag við Austurveg