10.11.2011 | Bryndís sterkasta kona Íslands 2011

Forsíða » Fréttir » Bryndís sterkasta kona Íslands 2011
image_pdfimage_print

Bryndís Ólafsdóttir vann um helgina titilinn Sterkasta kona Íslands, en keppnin fór fram í Hörpunni. Þóra Þorsteinsdóttir varð í öðru sæti og Jóhanna Eivinsdóttir í þriðja. Auk þeirra tóku þær Katrín Jóna Kristinsdóttir og Rósa Birgisdóttir þátt í keppninni.. Allar hafa þær æft saman og keppa undir merkjum Umf. Selfoss.
Alls tóku þrettán konur þátt í keppninni og er árangur Umf. Selfoss því mjög glæsilegur. Þess má geta að Þóra vann keppnina í fyrra og Jóhanna árið áður. Bryndís vann þessa sömu keppni 1995-1998. Hún hefur einnig unnið keppnina Sterkasta kona Norðurlanda og orðið í þriðja sæti í keppninni Sterkasta kona Evrópu.
Á meðal keppnisgreina voru drumbalyfta, sandpoka-ganga og réttstöðulyfta. Einnig þurftu þær að draga 170 kg fiskikar og halda 10 kg ketilbjöllu uppi fyrir framan sig eins lengi og þær gátu. Keppnin var spennandi og skemmtileg og úrslitin réðust ekki fyrr en undir lokin.

ög

frétt og mynd af heimasíðu umfs.is