14.4.2018 | Frestur að renna út – Hugmyndasamkeppni um nýtingu varmaorku á Suðurlandi.

Forsíða » Fréttir » Frestur að renna út – Hugmyndasamkeppni um nýtingu varmaorku á Suðurlandi.

image_pdfimage_print

Umsóknarfrestur í hugmyndasamkeppni um nýtingu varmaorku á Suðurlandi rennur út á þriðjudaginn 17. apríl nk. Áhugasamir eru hvattir til að kynna sér samkeppnina og senda inn tillögur. Það eru Orka náttúrunnar, Samtök sunnlenskra sveitarfélaga og Nýsköpunarmiðstöð Íslands sem efna til hugmyndasamkeppninnar. 

Tilgangur samkeppninnar er að fá fram hugmyndir um nýtingu varmaorku sem finnst víða á Suðurlandi og býður upp á fleiri tækifæri en nýtt eru í dag. Markmiðið er að nýta betur verðmætin sem eru í orkunni, auka fjölbreytni í atvinnulífi með umhverfismál að leiðarljósi og vinna að nýsköpun í orkutengdri starfsemi.
Um er að ræða almenna hugmyndasamkeppni og hún er öllum opin. Hugmyndir verða áfram eign þeirra sem skila inn tillögum. Ekki er gerð krafa um að hugmyndir verði framkvæmdar.
Heildarupphæð verðlauna er 3.000.000 kr. og verða fyrstu verðlaun að lágmarki 1.500.000 kr. Tillögum skal skila með tölvupósti á netfangið samkeppni@sass.is eigi síðar en þriðjudaginn 17. apríl 2018.
Ítarlegri upplýsingar má finna á slóðinni www.sass.is/hugmyndasamkeppni 

Keppnislysing. Hugmyndasamkeppni um nýtingu varmaorku á Suðurlandi

NM86907 Hugmyndasamkeppni jarðvarmi 5×38