Fólk með fötlun

Sveitarfélagið Árborg ber ábyrgð á þjónustu við fatlað fólk, stefnumótun, framkvæmd þjónustunnar og eftirliti með henni. Fatlað fólk á rétt á allri almennri þjónustu sveitarfélagsins en sé þjónustuþörf meiri er sértæk þjónusta veitt.

Hagnýtt

Opið: mánudaga - föstudaga kl. 09:00 - 16:00
Aðsetur: Ráðhúsinu, Austurvegi 2 | 800 Selfoss
Sími: 480 1900

Ráðgjafar í málefnum fatlaðra veita ráðgjöf og upplýsingar samkvæmt lögum um félagsþjónustu sveitarfélaga 40/1991 og lögum um þjónustu við fatlað fólk með langvarandi stuðningsþarfir nr. 38/2018.


Ráðgjafar:
Ráðgjafarþroskaþjálfi: Björg Maggý Pétursdóttir | bjorgm@arborg.is
Ráðgjafarþroskaþjálfi: Halla Steinunn Hinriksdóttir | hallast@arborg.is
Ráðgjafarþroskaþjálfi: Sigríður Elín Leifsdóttir | sigridurelin@arborg.is


Ferðaþjónusta

Ferðaþjónusta fatlaðra er ætluð þeim íbúum sem þurfa sérhæfða ferðaþjónustu til að komast leiðar sinnar vegna andlegrar og/eða líkamlegrar fötlunar og eiga lögheimili í sveitarfélaginu.

Þjónustutími er sem hér segir:
Virka daga: kl. 7:30 - 24:00 
Laugardaga og sunnudaga: kl. 10:00 - 24:00

Umsókn
Reglur

Stuðningsfjölskyldur

Stuðningsfjölskylda er ætluð til að létta á álagi af fjölskyldum fatlaðara barna og auka félagslega þátttöku þeirra. Þörf fyrir þjónustu er metin út frá aðstæðum barns og fjölskyldu. Við matið er horft til fötlunar barnsins og umönnunarþarfar, sem og félagslegra aðstæðna fjölskyldunnar.

Umsókn
Reglur

Skammtímadvöl

Hlutverk skammtímadvalar er að létta af álagi af fjölskyldum og vera afþreying og tilbreyting fyrir fötluð börn, ungmenni og fullorðna sem búa í heimahúsum. Skammtímadvöl er staðsett í Álftarima 2, Selfossi

Frekari upplýsingar veitir:
Forstöðuþroskaþjálfi:
Brynhildur Jónsdóttir
Sími:  480 6925 | 864 1869 | brynhildurj@arborg.is

Umsókn
Reglur

Félagsleg liðveisla

Félagsleg liðveisla er persónulegur stuðningur og aðstoð sem einkum miðar að því að draga úr félagslegri einangrun og styrkja fólk til þátttöku í menningar- og félagslífi.

Umsókn
Reglur

Búseta með sólarhringsþjónustu

Í Árborg eru starfrækt tvö heimi með sólarhringsþjónustu, fyrir 18 ára og eldri. Í samstarfi við sveitarfélög á Suðurlandi eru starfrækt tvö heimili, annað í Þorlákshöfn og hitt í Hveragerði.

Umsókn
Reglur

Notendastýrð persónuleg aðstoð (NPA)

NPA er notendastýrð persónuleg aðstoð sem byggir á hugmyndafræði um sjálfstætt líf. Fólk sem notar NPA stýrir sjálft fyrirkomulagi þjónustunnar og ákveður hvaða aðstoð er veitt, hvernig hún er skipulögð, hvenær og hvar hún fer fram og hver veitir hana.

Fólk sem hyggst nýta sér NPA þjónustu er hvatt til að hafa samband við ráðgjafa í málefnum fatlaðra. 

VISS - Vernduð vinna og hæfing

VISS, vinnu- og hæfingarstöð, Gagnheiði 39, Selfossi

VISS veitir hæfingu, starfsþjálfun og verndaða vinnu fötluðu fólki 18 ára og eldri sem miðar að því að auka hæfni þess til starfa og þátttöku í daglegu lífi eða á almennum vinnumarkaði.

Frekari upplýsingar veitir:
Forstöðuþroskaþjálfi:
Ragnhildur Jónsdóttir
Sími: 480 6920 | ragnhildur@arborg.is
Sótt er um á vef Vinnumálastofnunar

Réttindagæsla

Fólk með fötlun getur leitað til réttindagæslumanns með allt sem varðar réttindi, fjármuni og persónuleg mál þess. Réttindagæslumaðurinn veitir stuðning og aðstoð við úrlaus mála.

Nánari upplýsingar  á vef stjórnarráðsins.


Var efnið hjálplegt? Mætti bæta

Þetta vefsvæði byggir á Eplica