27.2.2019 | Innritun í grunnskóla skólaárið 2019−2020

Forsíða » Auglýsingar » Innritun í grunnskóla skólaárið 2019−2020

image_pdfimage_print

Innritun barna sem eru fædd árið 2013 og eiga að hefja skólagöngu í Sveitarfélaginu Árborg haustið 2019 fer fram 20. febrúar−4. mars næstkomandi. Hægt er að innrita rafrænt í viðkomandi grunnskóla og frístundaheimili inni á Mín Árborg á arborg.is eða á eyðublöðum sem eru aðgengileg á heimasíðum grunnskólanna og í Ráðhúsinu. Þeim umsóknum á að skila í viðkomandi skóla.

Upplýsingar um skólahverfi hvers skóla er að finna á www.arborg.is Einnig er bent á auglýsingu í Dagskránni 13. febrúar sl. varðandi ný skólahverfi á Selfossi. Nemendur sem eiga skólahverfi í nýjum grunnskóla í Björkurstykki innritast í Vallaskóla. Rétt er að minna á að frístundatilboð fyrir 6‒9 ára börn verða í boði á vegum Umf. Selfoss fyrstu tvær vikurnar í ágúst. Þau verða kynnt nánar í vor.

Frístundaheimili grunnskólanna fyrir 1.-4. bekk verða opin frá og með miðvikudeginum 7. ágúst 2019. Upplýsingar um innritun er hægt að fá í grunnskólunum og hjá þjónustuveri Árborgar (480-1900).

Barnaskólinn á Eyrarbakka og Stokkseyri       

Sunnulækjarskóli                                            

Vallaskóli