20.3.2019 | Leiklistarnámskeið fyrir ungt fólk!

Forsíða » Fréttir » Leiklistarnámskeið fyrir ungt fólk!

image_pdfimage_print

Leikfélag Selfoss heldur námskeið fyrir ungmenni á aldrinum 13 -20 ára, þar sem unnið verður með leikgleðina, sköpunarkraftinn og andlega og líkamlega meðvitund og notum við til þess spuna, listræna tjáningu og textavinnu. Fjöldi þátttakenda verður takmarkaður þannig að allir fái sem mest út úr námskeiðinu.

Námskeiðið fer fram tvær helgar í lok mars og eitt kvöld í vikunni á milli í litla leikhúsinu við Sigtún. Tímasetningar eru eftirfarandi:
Laugardagurinn 23. mars kl. 12-16
Sunnudagurinn 24. mars kl. 12-16
Miðvikudagurinn 27. mars kl. 18:30-21
Fimmtudagurinn 28. mars kl. 18:30-21 – ath. breyttan dag og tíma!
Sunnudagurinn 31. mars kl. 12-16

Magnús Guðmundsson leikari mun leiða námskeiðið. Magnús þekkir áhugaleikhúsið vel enda byrjaði hann ungur þar og tók þátt í mörgum verkum með Leikfélagi Kópavogs frá árunum 1995-2002. Hann útskrifaðist sem leikari frá Listaháskóla Íslands árið 2005 og hefur tekið þátt í uppsetingum hjá Borgarleikhúsinu m.a. Línu Langsokk og Billy Elliot.

Skráning fer fram á leikfelagselfoss@gmail.com og kostar námskeiðið 8.000 kr. Upplýsingar um greiðslufyrirkomulag verða sendar þegar skráning berst.

Þess má geta að eftir að námskeiði líkur gefst þátttakendum sem og öðrum tækifæri á að taka þátt í Hugarflugi Leikfélags Selfoss sem haldið verður á vormánuðum og verður nánar auglýst síðar.

Endilega hafið samband í tölvupósti eða á facebook ef einhverjar spurningar vakna.