27.1.2014 | Samningur um uppbyggingu reiðvega

Forsíða » Fréttir » Samningur um uppbyggingu reiðvega

image_pdfimage_print

Sveitarfélagið Árborg og Hestamannafélagið Sleipnir hafa gert með sér samkomulag sem gildir til ársins 2018 um áframhaldandi uppbyggingu reiðvega í Árborg. Á samningstímanum mun Árborg greiða Sleipni 3,5 milljónir króna á ári, eða alls 17,5 mkr, til uppbyggingar reiðvega. Samningurinn kemur í stað eldri samnings frá 2006 um samskonar verkefni, en á grundvelli þess samnings hefur tekist að bæta reiðleiðir verulega. Reiðveganefnd Sleipnis mun annast framkvæmdina í samráði við fulltrúa sveitarfélagsins. Á myndinni, sem tekin var við undirritun samningsins má sjá forseta bæjarstjórnar, Ara B. Thorarensen, framkvæmdastjóra sveitarfélagsins, Ástu Stefánsdóttur,  og fulltrúa reiðveganefndarinnar, þá Einar Hermundsson og Magnús Ólason.