|
Fundargerð ritaði: Gísli Halldór Halldórsson, bæjarstjóri |
|
|
| Almenn erindi |
| 1. 2012124 - Umsögn - frumvarp til laga um Hálendisþjóðgarð, 369. mál |
Bæjarráð Svf. Árborgar telur að frumvarp til laga um Hálendisþjóðgarð sé ekki tilbúið til afgreiðslu eins og það liggur fyrir nú. Hér er um að ræða stórt og viðamikið mál sem þarfnast mun meira samráðs svo tímabært sé að taka ákvörðun um stofnun þjóðgarðs á hálendinu.
Bæjarráð telur ekki ásættanlegt að skipulagsvald sveitarfélaga skerðist, enda eitt öflugasta verkfæri sveitarfélaga og íbúa þeirra til þess að hafa áhrif á þróun byggðar og landnotkun. Með tilliti til aðkomu sveitarfélaganna að málefnum miðhálendisins, þekkingar þeirra og nálægðar, þjónar það ekki hagsmunum sveitarfélaganna að fella 30-40% af landinu öllu undir miðstýringarvald ríkisins.
Bæjarráð óttast að verði frumvarpið að lögum muni skipulagsvaldið í raun flytjast yfir til stjórnar Þjóðgarðsstofnunar, sem þá kemur til með að stýra og fjalla um þætti eins og landnýtingu og mannvirkjagerð, auk annara innviða, án aðkomu sveitarfélaga.
Ennfremur telur bæjarráð að heppilegra hefði verið að stofna til samtals við einstök sveitarfélög varðandi frekari þörf á vernd hálendisins. Ef sú leið hefði verið valin væri auðveldara að meta kosti og galla einstakra friðlýsingarmöguleika eða útfærslur þjóðgarðs á hluta umrædds svæðis.
Bæjarráð telur einnig mikla óvissu ríkja um fjármögnun verkefnisins og því raunveruleg hætta á að ekki takist að byggja upp innviði þjóðgarðsins svo sómi sé að.
Bæjarráð Svf. Árborgar leggst því gegn fyrirliggjandi frumvarpi um Hálendisþjóðgarð. |
| Erindi frá umhverfis- og samgöngunefnd Alþingis mál 369.pdf |
|
|
|
| 2. 2010153 - Viðaukasamningur við Sólheima ses. - þjónusta við einstakling og lán fyrir íbúðarhúsnæði |
| Bæjarráð samþykkir viðaukasamninginn af hálfu Svf. Árborgar og felur stjórn Bergrisans umboð sitt til að ganga frá fyrirliggjandi samning. |
| Erindi til aðildarsveitarfélaga Bergrisans bs.pdf |
|
|
|
| 3. 1811024 - Umsókn um stofnframlag |
| Bæjarráð samþykkir heimild til bæjarstjóra að undirrita tryggingarbréf í tengslum við fjármögnun Bjargs íbúðafélags á byggingarframkvæmdum við Heiðarstekk 1-3 á Selfossi. |
|
|
|
| 4. 2002174 - SPI - samkomulag vegna úttektar Framfaravogarinnar 2020 |
| Bæjarráð samþykkir að samningurinn verði endurnýjaður |
|
|
|
| 5. 2006234 - Viðverustefna |
Bæjarráð samþykkir framlagða viðverustefnu.
Bæjarráð þakkar þá vinnu sem lögð hefur verið í viðverustefnuna og bindur miklar vonir við að hún hafi jákvæð áhrif á starfsumhverfi starfsmanna sveitarfélagsins. |
| Viðverustefna Sveitarfélagsins Árborgar.pdf |
|
|
|
|
| Fundargerðir til kynningar |
| 6. 2002054 - Fundargerðir Bergrisans bs 2020 |
| Lagt fram til kynningar. |
|
|
|
|
|
Fleira ekki gert. Fundi slitið kl. 19:00
|
