1. 2003206 - Ákvörðun ráðherra um starfhæfi sveitarstjórna á tímum Covid19
Erindi frá samgöngu- og sveitastjórnarráðuneytinu, dags. 16. nóvember, um að ráðuneytið hafi veitt sveitarstjórnum tímabundna heimild til að ákveða að sveitarstjórnarmönnum sé heimilt að taka þátt í fundum sveitarstjórna eða nefnda og ráða á vegum sveitarfélagsins með rafrænum hætti, þrátt fyrir að annað sé getið í samþykktum þeirra. Heimildin gildir til 31. janúar 2022.
Bæjarráð telur þetta jákvæða ráðstöfun í ljósi aðstæðna og vísar málinu til úrvinnslu hjá bæjarritara.
2. 2005200 - Samkomulag um íbúðabyggð í Laugardælalandi
Erindi frá Mjólkurbúi Flóamanna ehf og Auðhumlu svf. dags. 3. nóvember þar sem óskað var eftir aðilaskiptum á samningi um Árbakkaland á Selfossi.
Bæjarráð samþykkir aðilaskiptin og að Mjólkurbú Flóamanna taki yfir öll réttindi og skyldur Auðhumlu í samningnum um Árbakkaland. Bæjarráð lýsir ánægju sinni með að loks sé nafn Mjólkurbús Flóamanna dregið fram í dagsljósið á nýjan leik og því haldið á lofti.
Erindi frá Heilbrigðiseftirliti Suðurlands, dags. 18. nóvember, þar sem óskað var eftir lokayfirlestri sveitarstjórna á Suðurlandi á drögum um samþykkt um vatnsvernd á Suðurlandi, sbr. 59. gr. laga nr. 7/1998 um hollustuhætti og mengunarvarnir.
4. 2111345 - Verkefnið MEDiate - Hugbúnaður fyrir sveitarfélög vegna náttúruhamfara
Erindi frá Íslenskum rannsóknarhóp HÍ í MEDiate, dags. 17. nóvember, þar sem óskað var eftir þátttöku Sveitarfélagsins Árborgar í ráðgjafahóp fyrir "MEDiate" Evrópuumsókn um sviðsmyndir náttúruhamfara, aðgerðir og lágmörkun samfélagsraskana þeirra.
5. 2111372 - Hjúkrunarrými í Sveitarfélaginu Árborg
Minnisblað bæjarstjóra - Hugmyndir heilbrigðisráðuneytis um öldrunarþjónustu og ráðstöfun hjúkrunarrýma á Suðurlandi.
Bæjarráð tekur vel í framkomnar hugmyndir en fer fram á að skýr tillaga komi frá ráðuneytinu áður en endanleg afstaða er tekin til málsins. Í ljósi aðkomu Svf. Árborgar að byggingu nýs hjúkrunarheimilis leggur bæjarráð áherslu á að þeir sem eiga heimilisfesti í Árborg en nýta dvalarrými á Suðurlandi utan Árborgar njóti forgangs að rýmum í hinu nýja hjúkrunarheimili. Bæjarráð hvetur ríkisvaldið til að gera stórátak í uppbyggingu dvalar- og hjúkrunarheimila á landinu öllu. Það er ekki boðlegt landsmönnum að staða Landspítalans sé eins og hún er í dag. Skortur á starfsfólki, skipulagi, fjármunum og fasteignum í heilbrigðiskerfinu er staða sem aldrei á að koma upp þar sem líf og heilsa landsmanna er undir.
Kjartan Björnsson lætur bóka: Óska eftir upplýsingum um biðlista á hjúkrunar og dvalarrými í Sveitarfélaginu Árborg sem og á Suðurlandi öllu. Eðlilegt er að fá opinberar tölur um stöðuna á okkar svæði áður en tekin er afstaða til þess að leysa vistunarvanda hjúkrunar og dvalarheimila af öðrum svæðum.
6. 2105453 - Trúnaðarmál
Á fundinum verða lagðar fram upplýsingar um sáttartilboð sem liggur fyrir og taka þarf afstöðu til.