Fundargerðir

Til baka Prenta
Skipulags og byggingarnefnd - 67

Haldinn í gegnum fjarfundarbúnað,
05.05.2021 og hófst hann kl. 08:15
Fundinn sátu: Sigurjón Vídalín Guðmundsson formaður, Á-lista,
Ari Már Ólafsson nefndarmaður, M-lista,
Kristbjörn Hjalti Tómasson nefndarmaður, S-lista,
Ari B. Thorarensen nefndarmaður, D-lista,
Magnús Gíslason nefndarmaður, D-lista,
Anton Kári Halldórsson skipulagsfulltrúi, Ásdís Styrmisdóttir fulltrúi á skipulags- og byggingarsviði, Sveinn Pálsson byggingafulltrúi, Rúnar Guðmundsson fulltrúi á skipulags- og byggingarsviði.
Fundargerð ritaði: Anton Kári Halldórsson, Skipulagsfulltrúi


Dagskrá: 
Almenn afgreiðslumál
2. 2011165 - Fyrirspurn um byggingu bílskúrs - Strandgata 5
Erindinu var frestað á 58. fundi skipulags- og byggingarnefndar og skipulagsfulltrúa falið að afla frekari gagna. Skipulagsfulltrúi hefur verið í samskiptum við umsækjanda og fyrir fundinum liggur tillaga að staðsetningu bílskúrs innan lóðar.
Skipulags- og byggingarnefnd fer yfir og kynnir sér gögn umsækjanda um tillögu á staðsetningu bílskúrs. Að mati nefndarinnar kemur sú staðsetning sem umsækjandi leggur til ekki til greina vegna nálægðar húss við Strandgötu.

Hvað varðar grænt svæði norðan lóðar þá er ekki gert ráð fyrir því í endurskoðun aðalskipulags Árborgar að landnotkun svæðisins verði breytt frá því sem nú er.

Nefndin samþykkir að hafna erindinu samhljóða.
3. 21045258 - Stækkun á byggingarreit - Heiðarstekkur 5-7
Umsækjandi óskar eftir áliti skipulags- og byggingarnefndar þar sem að fyrirhuguð bygging fer út fyrir gildandi byggingarreit.
Skipulags- og byggingarnefnd telur að um óveruleg frávik frá deiliskipulagi sé að ræða. Í samræmi við 3. mgr. 44. gr. skipulagslaga nr. 123/2010 samþykkir skipulags- og byggingarnefnd að falla frá grenndarkynningu þar sem að framkvæmdin varðar ekki hagsmuni annarra en sveitarfélagsins og umsækjanda. Skipulags- og byggingarnefnd vísar málinu til afgreiðslu byggingarfulltrúa.
Samþykkt samhljóða.
4. 21046828 - Framkvæmdaleyfisumsókn - Vegna tengingar við Austurbyggð
Gangaveita Reykjavíkur óskar eftir framvkæmdaleyfi vegna tengingar hluta Austurbyggðar við ljósleiðarkerfi.
Skipulags- og byggingarnefnd leggur til við bæjarráð að framkvæmdaleyfisumsókn verði samþykkt.
Samþykkt samhljóða.
5. 21046846 - Fyrirspurn um að fá að skipta upp lóðinni Miðtún 17 Selfossi.
Umsækjendur óska eftir heimild til að skipta lóð sinni Miðtún 17, í tvær lóðir, skv. meðfylgjandi uppdrætti. Ekki liggur fyrir deiliskipulag fyrir umrætt svæði.
Skipulags- og byggingarnefnd tekur jákvætt í erindið og leggur til að uppskipting lóðarinnar verði grenndarkynnt þegar fullnægjandi gögn hafa borist.
Samþykkt samhljóða.
6. 21046848 - Fyrirspurn um aðstöðu fyrir hjólhýsi, húsbýla og ferðavagna.
Umsækjandi óskar eftir því við sveitarfélagið að útbúið verði svæði til geymslu á hjólhýsum og húsbílum.
Farið yfir innsent erindi. Skipulags- og byggingarnefnd vísar erindinu til endurskoðunar aðalskipulags þar sem kannað verði með svæði til geymslu á hjólhýsum, húsbílum og einnig bifreiðarstæði fyrir stærri ökutæki í atvinnurekstri.
Samþykkt samhljóða.
7. 21046847 - Deiliskipulagsbreytin lítisháttar - Jórvík 1
Lögð er fram tillaga að deiliskipulagsbreytingu fyrir Jórvík 1. Markmið breytingarinnar er að bæta nýtingu byggingarlands og innviða en minnka vægi bílastæða og umferðar á svæðinu. Tillagan gerir ráð fyrir að nýtingarhlutfall einstakra fjölbýlishúsa verði hækkað og heimilað verði aukinn fjöldi íbúða á svæðinu. Fjöldi íbúða á svæðinu mun fjölga úr 144 í 228.
Hermann Ólafsson landslagsarkitekt kemur til fundar og kynnir deiliskipulagsbreytingu fyrir nefndarmönnum. Skipulagsnefnd þakkar fyrir kynninguna. Afgreiðslu málsins frestað og skipulagsfulltrúa falið að afla frekari gagna varðandi m.a. þéttleika byggðar og fjölda bílastæða innan hverfisins.
Samþykkt samhljóða.
 
Gestir
Hermann Ólafsson - 08:45
8. 2011149 - Óveruleg breyting á aðalskipulagi - Nauthagi
Tillaga að óverulegri breytingu á aðalskipulagi var send Skipulagsstofnun til staðfestingar. Í svarbréfi stofnunarinnar dags. 29. apríl 2021 er ekki fallist á að um óverulega breytingu sé að ræða og mælt með því að farið verði með breytinguna samkvæmt 30. og 32. gr. skipulagslaga nr. 123/2010.
Skipulags- og byggingarnefnd felur skipulagsfulltrúa að kynna tillöguna í samræmi við 2. mgr. 30. gr. skipulagslaga nr. 123/2010.
Samþykkt samhljóða.
Magnús Gíslason víkur við afgreiðslu erindisins.
9. 21042932 - Fyrirspurn um stækkun hús - Gagnheiði 35
Skipulags- og byggingarnefnd samþykkti á 66. fundi sínum þann 21. apríl 2021 að byggingarleyfisumsókn skyldi grenndarkynnt. Þeir aðilar sem grenndarkynnt var fyrir, hafa áritað uppdrætti til staðfestingar á samþykki sínu.
Skipulags- og byggingarnefnd samþykkir að stytta tímabil grenndarkynningar í samræmi við 3. mgr. 44. gr. skipulagslaga, þar sem að þeir aðilar sem grenndarkynnt var fyrir hafa áritað kynningargögn til samþykkis á framkvæmd. Skipulagsnefnd vísar málinu til afgreiðslu byggingarfulltrúa.
Samþykkt samhljóða.
Magnús Gíslason kemur aftur til fundar.
10. 2101073 - Heiðarvegur 1 - Umsókn um byggingaráform og byggingarleyfi
Skipulags- og byggingarnefnd frestaði afgreiðslu erindisins á 66. fundi sínum og óskaði eftir nánari útskýringum á fyrirhugaðri framkvæmd. Nánari útskýringar hafa nú borist.
Samþykki nágranna liggur fyrir vegna framkvæmdarinnar. Skipulags- og byggingarnefnd samþykkir umsókn fyrir sitt leyti og vísar umsókn til afgreiðslu byggingarfulltrúa.
Samþykkt samhljóða.
Erindi til kynningar
1. 2101332 - Deiliskipulag - Austurbyggð II
Skipulags- og byggingarnefnd óskaði eftir því á 66. fundi sínum að hönnuðir kynntu tillögu að deiliskipulagi Austurbyggðar II.
Anne Bruun Hansen frá EFLU kemur til fundar og kynnir deiliskipulagstillögu Austurbyggðar II. Skipulags- og byggingarnefnd þakkar kærlega fyrir kynninguna.
 
Gestir
Anne Bruun Hansen - 08:30

Fleira ekki gert. Fundi slitið kl. 10:09 

Til baka Prenta

Eldri fundargerðir

Einnig er hægt að nálgast eldri fundargerðir.

Sjá eldri fundargerðir
Þetta vefsvæði byggir á Eplica