Athugið

Bæjarstjórnarfundur í beinni útsendingu

Fundargerðir

Til baka Prenta
Skipulagsnefnd - 53

Haldinn að Austurvegi 67, Selfossi,
26.11.2025 og hófst hann kl. 08:15
Fundinn sátu: Axel Sigurðsson nefndarmaður, Á-lista,
Matthías Bjarnason nefndarmaður, B-lista,
Viktor Stefán Pálsson varamaður, S-lista,
Sveinn Ægir Birgisson varamaður, D-lista,
Brynhildur Jónsdóttir bæjarfulltrúi, D-lista,
Sölvi Leví Gunnarsson aðstoðarbyggingafulltrúi, Vigfús Þór Hróbjartsson skipulagsfulltrúi.
Fundargerð ritaði: Axel Sigurðsson, Varaformaður skipulagsnefndar


Dagskrá: 
Almenn afgreiðslumál
1. 2510091 - Árbær IV Dýraspítali - Aðalskipulagsbreyting Ölfusi - Umsagnarbeiðni
Lögð er fram umsagnarbeiðni sem tekur til breytingar á aðalskipulagi Ölfus vegna dýraspítalans að Árbæ IV. Í breytingunni felst skilgreining á nýju verslunar- og þjónustusvæði VÞ28 auk þess sem skilgreint er stofnanasvæði S18 á kostnað reits VÞ27.
Skipulagsnefnd Árborgar gerir ekki athugasemdir við framlagða tillögu að breytingum á aðalskipulagi Ölfus.
Samþykkt
2. 2510160 - Norðurbraut 14 - Umsókn um byggingaráform og byggingarleyfi
Byggingarfulltrúi vísaði til umsagnar og yfirferðar skipulagsnefndar umsókn um byggingaráform og byggingarleyfi sem taka til byggingu íbúðarhúss á lóð Norðurbrautar 14. Um er að ræða 806 fm einbýlishús á einni hæð. Gert er ráð fyrir að íbúð eiganda í húsinu og hægt sé að leigja út 4 útleigueiningar.
Samkvæmt stefnumörkun deiliskipulag fyrir Tjarnarbyggð er gert ráð fyrir að heimilt sé að byggja allt að 1500 fm á lóðinni, þar af má íbúðarhús vera allt að 1000 m2 að brúttófleti. Auk þess er gert ráð fyrir að innan svæðisins sé heimilt að stunda hreinlega atvinnustarfsemi t.d. í formi gistingar. Að mati nefndarinnar samræmist svo umfangsmikið byggingarmagn illa almennum markmiðum deiliskipulagsins er varðar að skipulaginu sé ætla að skapa heilsteypta umgjörð um fjölbreytta búgarðabyggð þar sem magn bygginga og fjöldi bílastæða taka í raun yfir megin part lóðarinnar. Þrátt fyrir það telur nefndin ekki grundvöll fyrir því að hafna framlögðum byggingaráformum þar sem þau samræmist í megin atriðum stefnumörkun deiliskipulags. Mælist nefndin til þess við skipulags- og byggingardeild Árborgar að við umsagnir vegna útgáfu rekstrar- og starfsleyfa á lóðinni skuli megin notkun lóðarinnar áfram vera til fastrar búsetu en ekki til reksturs. Teljist rekstur innan lóðarinnar vera orðin megin notkun hennar og/eða ef enginn hefur fasta búsetu á svæðinu mælist nefndin til þess að umsögnum um rekstrar- og starfsleyfi verði synjað.
Samþykkt
3. 2511038 - Austurbyggð II - Spennistöð lóð - dskbr.
Lögð er fram óveruleg breyting á deiliskipulagi sem tekur til skilgreiningar á lóð fyrir spennistöð innan deiliskipulags Austurbyggðar II.
Skipulagsnefnd gerir ekki athugasemdir við framlagða breytingu á deiliskipulagi svæðisins. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi. Þar sem engir aðrir hagsmunaaðilar eru innan svæðisins en umsækjandi er ekki talin þörf á grenndarkynningu.
Samþykkt
4. 2511231 - Reyrhagi 8 - athugasemdir nærliggjandi lóðarhafa
Lagðar eru fram athugasemdir frá lóðarhöfum að Reyrhaga er varðar framkvæmdir á lóð Reyrhaga 8.
Í gildi er deiliskipulag sem tekur til framkvæmdaheimilda á viðkomandi lóð Reyrhaga 8. Tillagan var auglýst frá 24.1.2024 - 6.3.2024 og tók gildi með birtingu í B-deild stjórnartíðinda þann 30.04.2024. Engar athugasemdir bárust á auglýsingatíma deiliskipulagsins. Innan skilmála deiliskipulagsins er fjallað um að húsagerðir séu frjálsar að öðru leyti en því sem mæli- og hæðarblöð, skilmálar deiliskipulagsins, byggingarreglugerð og aðrar reglugerðir segi til um. Samtengd hús og hús innan sömu lóðar skulu vera samræmd í útliti, þakformi, lita- og efnisvali. Stærð húsa takmarkast af nýtingarhlutfalli 0,3, hámarks vegghæð er 4 m og hámarks mænishæð 6 m. Að öðru leyti eru ekki settar fram kvaðir um mænisstefnu eða húsagerð. Viðkomandi lóð sem um ræðir er nokkuð mjórri og minni en aðrar lóðir við Reyrhaga sem gerir það að verkum að hús með mænisstefnu austur/vestur passar betur innan lóðarinnar. Ekki er á framlögðum aðaluppdráttum byggingarinnar gert ráð fyrir bílskúr innan lóðar sem gæti verið samtengdum aðliggjandi skúr á lóð 6. Mælist nefndin til þess að komi til umsóknar um bílskúr á lóðinni taki hann mið af skilmálum um að samtengd hús séu samræmd í útliti og mænisstefna hans verði þá samræmd við skúr á lóð 6. Að öðru leyti tekur nefndin ekki undir athugasemdir er varðar legu hússins á lóðinni. Að mati nefndarinnar fellur húsið vel inn í götumynd Reyrhaga sem einkennist af lágreistum húsum á einni hæð með risþaki. Við umsókn um byggingarleyfi fyrir húsinu var lögð fram beiðni um breytingu á byggingarreit lóðarinnar. Að mati skipulagsnefndar voru þær breytingar óverulegar og voru áformin samþykkt á grundvelli 3. mgr. 43. skipulagslaga enda ekki talið að hagsmunir nágranna myndu skerðast hvað varðar landnotkun, útsýni skuggavarp eða innsýn. Viðkomandi framkvæmdir eru því að mati nefndarinnar í takti við samþykkt deiliskipulag svæðisins og í samræmi við markmið og stefnumörkun þess.
Samþykkt
5. 2506399 - Tryggvagata 36 - Deiliskipulagsbreyting
Lögð er fram tillaga nýs deiliskipulags sem tekur til lóðar Tryggvagötu 36 á Selfossi. Tillagan var í kynningu frá 25.9.2025 til og með 17.10.2025 og var frestað afgreiðslu á fundi skipulagsnefndar eftir kynningu þann 5.11 síðastliðinn þar sem farið var fram á að brugðist væri við athugasemdum sem bárust vegna tillögunnar með ítarlegri hætti. Er nú lögð fram uppfærð tillaga sem gerir ráð fyrir tilfærslu á byggingarreit innan lóðar og minnkuðu byggingarmagni. Gert er ráð fyrir einu 3ja hæða íbúðarhúsi ásamt sorpskýli á lóðinni. Ekki er gert ráð fyrir kjallara. Þriðja hæð íbúðarhússins skal vera inndregin, a.m.k. 5 m á norðurhlið og a.m.k. 2 m á aðrar hliðar. Heildarfjöldi íbúða í húsinu geta orðið allt að 36 og er gert ráð fyrir samsvarandi fjölda bílastæða innan lóðarinnar. Byggingar skulu standa innan byggingareita. Heildarbyggingarmagn er að hámarki 2.600 m2 og nýtingarhlutfall er um 0,84.
Skipulagsnefnd Árborgar mælist til þess við bæjarstjórn að viðkomandi breyting á deiliskipulagi svæðisins verði samþykkt. Málið fái málsmeðferð á grundvelli 1. mgr. 43. gr. skipulagslaga nr. 123/2010 er varðar breytingar á deiliskipulagi. Að mati nefndarinnar hefur verið komið til mót við þær athugasemdir og umsagnir sem bárust á kynningartíma tillögunnar með fullnægjandi hætti með uppfærslu tillögunnar. Mælist nefndin til þess að þeir sem athugasemdir gerðu til kynningu málsins fái sérstaka tilkynningu um auglýsingu þess.

Samþykkt með 4 atkvæðum af 5.

Viktor S. Pálsson S-lista greiðir atkvæði gegn tillögunni.
Samþykkt
6. 2511323 - Miðsvæði M5 og M6; Tillaga óverulegrar breytingar á aðalskipulagi
Lögð er fram tillaga óverulegrar breytingar á aðalskipulagi sem tekur til miðsvæði M5 og M6. Í breytingunni felst nánari skilgreining á heimildum sem taka til reksturs á miðsvæðum. Núverandi heimildir gera ráð fyrir eftirfarandi skilmálum: "Innan reits eru þrjár deiliskipulagsáætlanir í gildi. Gert er ráð fyrir lágreistri íbúðarbyggð á 1-3 hæðum. Heimilt er að vera með verslun- og þjónustu á jarðhæð."
Eftir breytingu verði skilmálarnir eftirfarandi:
Innan reits eru þrjár deiliskipulagsáætlanir í gildi. Gert er ráð fyrir lágreistri íbúðarbyggð á 1-3 hæðum. Heimild er fyrir verslunar- og þjónustutengdum rekstri innan svæðisins með eftirfarandi fyrirvörum:
- Gera skal grein fyrir heimildum sem taka til rekstur með ítarlegum hætti innan deiliskipulags og/eða með grenndarkynningu innan hverfisins.
- Gera skal grein fyrir fullnægjandi fjölda bílastæða.
- Starfsemi innan hverfisins taki mið af aðliggjandi byggð.
Skipulagsnefnd Árborgar mælist til þess við bæjarstjórn að samþykkja viðkomandi breytingu á aðalskipulagi sveitarfélagsins. Málið fái málsmeðferð á grundvelli 2. mgr. 36. gr. skipulagslaga nr. 123/2010 er varðar óverulega breytingu á aðalskipulagi. Niðurstaða sveitarfélagsins verði auglýst og málið sent Skipulagsstofnun til samþykktar.
Samþykkt
7. 2505234 - Kirkjugarður á Selfossi - framtíðarstaðsetning
Lögð er fram til kynningar skýrsla vegna greiningar á jarðvegsaðstæðum á Laugardælavelli við Glymskóga - Laugardælur land, L206116. Almennar umræðum um hugsanlega staðsetningu nýs kirkjugarðar.
Skipulagsnefnd gerir ekki athugasemdir við framlagða hugmynd um staðsetningu nýs Kirkjugarðar. Nefndin mælist til þess að skipulagsfulltrúi vinni minnisblað varðandi verkefni og leggi fyrir fund bæjarstjórnar. Mælist nefndin til þess við bæjarstjórn að skipulagsfulltrúa verði falið að boða til fundar með Flóahreppi um framlagðar hugmyndir og hugsanlega skilgreiningu svæðisins innan aðalskipulags sveitarfélagsins.
Til kynningar
Erindi til kynningar
8. 2210290 - Gjaldskrár mannvirkja- og umhverfissviðs
Lögð er fram til kynningar uppfærð gjaldskrá mannvirkja- og umhverfissviðs fyrir árið 2026.
Lagt fram til kynningar.
Til kynningar
Fundargerðir
9. 2511001F - Afgreiðslufundur byggingarfulltrúa - 163
Lögð fram til kynningar fundargerð afgreiðslufundar byggingarfulltrúa nr. 163
Lagt fram til kynningar.
Til kynningar

Fleira ekki gert. Fundi slitið kl. 10:15 

Til baka Prenta

Eldri fundargerðir

Einnig er hægt að nálgast eldri fundargerðir.

Sjá eldri fundargerðir
Þetta vefsvæði byggir á Eplica