29.8.2017 | Tómstundamessa í íþróttahúsi Vallaskóla – kynning á fjölbreyttu frístundastarfi

Forsíða » Fréttir » Tómstundamessa í íþróttahúsi Vallaskóla – kynning á fjölbreyttu frístundastarfi

image_pdfimage_print

Fimmtudaginn 31. ágúst næstkomandi mun Sv. Árborg standa fyrir svokallaðri „tómstundamessu“ í íþróttahúsi Vallaskóla í samstarfi við grunnskóla, íþróttafélög, æskulýðsfélög og aðra aðila sem vinna með tómstundir barna á leik- og grunnskólaaldri í sveitarfélaginu. Allir aðilar sem vinna með frítíma barna og unglinga fá tækifæri til að kynna starf sitt fyrir börnum í grunnskólum og elstu bekkjum leikskóla og foreldrum þeirra. Má þar nefna meðal annars frítímastarf skáta, björgunarsveita, tónskóla, félagsmiðstöðvar og kirkju, auk þess sem fjölmargar íþróttagreinar verða kynntar.  
Kynningarnar verða tvíþættar. Annarsvegar verður kynning fyrir alla nemendur grunnskóla Sv. Árborgar á milli kl. 10:00 og 14:00 en starfsfólk grunnskólanna mun fylgja krökkunum yfir í íþróttahús Vallaskóla.
Hinsvegar verður svo opin kynning á milli kl. 15:30 og 18:30 þar sem við vonumst eftir fjölmenni foreldra og annarra forráðamanna í fylgd barna sinna.  Allir eru velkomnir en við bjóðum börn á grunnskólaaldri sem og börn í elstu deildum leikskóla sérstaklega velkomin ásamt foreldrum og forráðamönnum.
Ekki láta þetta tækifæri fram hjá ykkur fara til að kynnast öllu því tómstundastarfi sem er í boði fyrir barnið þitt í Sveitarfélaginu Árborg