6.10.2017 | Útivistartími barna í Sveitarfélaginu Árborg

Forsíða » Fréttir » Útivistartími barna í Sveitarfélaginu Árborg

image_pdfimage_print

Nú þegar haustið er komið og sólinn farinn að lækka á lofti þarf að huga að breyttum útivistartíma barnanna og frá og með 1. september mega börn yngri en 12 ára vera úti til kl. 20:00 og 13 – 16 ára til kl. 22:00 á kvöldin. Foreldrar og forráðamenn mega auðvitað setja sín viðmið sem eru styttri og eru foreldrar hvattir til að ræða slíkt sín á milli því samtarf um t.d. útivistartímann einfaldar oft foreldum að fylgja þessum reglum eftir.

 Samkvæmt 90 gr. barnavernarlaga 80/2002 segir:

„Börn, 12 ára og yngri, mega ekki vera á almannafæri eftir klukkan 20.00 nema í fylgd með fullorðnum. Börn, sem eru á aldrinum 13 til 16 ára, skulu ekki vera á almannafæri eftir klukkan 22.00, enda séu þau ekki á heimferð frá viðurkenndri skóla-, íþrótta- eða æskulýðssamkomu. Á tímabilinu 1. maí til 1. september lengist útivistartími barna um tvær klukkustundir.“

 

Einstaka viðburðir á vegum skóla, félagsmiðstöðva og frítímastarfs geta farið fram yfir útivistartímann og þá liggur viðmiðið að börn ein á ferð fari beint heim eftir viðburðinn eða séu sótt af t.d. foreldri.

Sundlaugar Árborgar taka mið af útivistartíma barna og því eru börn 10-12 ára sem eru ein í sundi send heim á leið um kl.19:30 svo þau hafi tíma til að fara í sturtu og komast heim fyrir kl. 20:00.

Foreldri sem er í sundi eða líkamsrækt í sundlaugum Árborgar getur tekið ábyrgð á sínu barni og nokkrum vinum sem eru 10-12 ára í sundi ef svo ber undir. Foreldri þarf að tilkynna um slíkt til afgreiðslu eða sundlaugarstarfsmanns.