24. fundur bæjarstjórnar, kjörtímabilið 2022 - 26

https://www.youtube.com/watch?v=AQRfeoIVgWU

Dagskrá:

Almenn erindi

1. 2308259 - Björkurstekkur - Óveruleg breyting á skilmálum deiliskipulags
   Tillaga frá 13. fundi skipulagsnefndar, frá 13. september, liður 3. Björkurstekkur - Óveruleg breyting á skilmálum deiliskipulags.
   Skipulagsfulltrúi leggur fram óverulega breytingu á skilmálum/greinargerð fyrir íbúðahverfið Björkurstekkur. Um er að ræða afstillingu á mismun í texta og samantektartöflu er varðar hámark nýtingarhlutfalls. Breytingar eru eftirfarandi: 5.1
   Gerð er breyting á nýtingarhlutfalli í töflu og texta, þar sem aukið er við nýtingarhlutfall kjallara, einnar hæðar húsa og tveggja hæða einbýlishúsa. Þá er aukið við nýtingarhlutfall kjallara fyrir fjölbýlishús á 4 hæðum og 5 hæðum. Felld er út setning sem segir til um vegghæðir að lóðarmörkun, fyrir allar tegundir húsa.
   Skipulagsnefnd taldi að um óverulega breytingu væri að ræða, og lagði til við bæjarstjórn Árborgar að samþykkja breytingartillögu í samræmi við 2. mgr. 43. gr. skipulagslaga nr. 123/2010, og fela skipulagsfulltrúa að senda Skipulagsstofnun tillöguna og auglýsa í B-deild Stjórnartíðinda. 
2. 2309053 - Björk - Jórvík 1 deiliskipulagsbreyting
   Tillaga frá 13. fundi skipulagsnefndar, frá 13. september, liður 4. Björk - Jórvík 1 deiliskipulagsbreyting.
   Ólafur Tage Bjarnason f.h. Larsen Hönnun og ráðgjöf, leggur fram óverulega breytingu á gildandi deiliskipulagi íbúðabyggðar í Landi Bjarkar og Jórvíkur. Markmið breytingar er að bæta nýtingu fjölbýlishúsalóða, auk breyttra áherslna varðandi raðhúsalóðir. Á raðhúsalóðum eru lóðir minnkaðar og gert ráð fyrir hefðbundnum raðhúsum í stað klasa með fleiri en einu húsi á lóð og stórri sameign.
   Skipulagsnefnd taldi að um óverulega breytingu væri að ræða, og lagði til við bæjarstjórn Árborgar að samþykkja breytingartillögu í samræmi við 2. mgr. 43. gr. skipulagslaga nr. 123/2010, og fela skipulagsfulltrúa að senda Skipulagsstofnun tillöguna og auglýsa í B-deild Stjórnartíðinda. 
3. 2109014 - Vatnsöflun frá Kaldárhöfða
   Tillaga frá 22. fundi eigna- og veitunefndar, frá 12. september, liður 2. Vatnsöflun frá Kaldárhöfða.
   Farið yfir fundargerð starfshóps og næstu skref í verkefninu. Nefndin lagði til við bæjarstjórn að samþykkja jafna skiptingu á rannsóknarkostnaði milli sveitarfélaganna sem koma að samstarfinu. Grímsnesog Grafningshreppur verði skilgreindur verkkaupi. Einnig að áætluðum kostnaði verði vísað til endurskoðunar á fjárfestingaráætlun 2023 sem lögð verður fyrir bæjarstjórn.
   
   Fundargerðir 
4. 2308016F - Menningarnefnd - 2
   2. fundur haldinn 28. ágúst. 
5. 2308017F - Fræðslu- og frístundanefnd - 6
   6. fundur haldinn 30. ágúst. 
6. 2308009F - Skipulagsnefnd - 12
   12. fundur haldinn 30. ágúst. 
7. 2308018F - Velferðarnefnd - 4
   4. fundur haldinn 31. ágúst. 
8. 2308030F - Bæjarráð - 52
   52. fundur haldinn 7. september. 
9. 2308028F - Ungmennaráð - 10/2023
   10. fundur haldinn 29. ágúst. 
10. 2309010F - Bæjarráð - 53
    53. fundur haldinn 14. september.

Fjóla St. Kristinsdóttir, bæjarstjóri