Listagjáin | G. Gyða Halldórsdóttir
Sjötta einkasýning Gyðu verður frá 16. júní til 14. júlí í Listagjánni, Austurvegi 2.
Guðríður Gyða Halldórsdóttir fæddist 3. ágúst 1951 á Suðureyri við Súgandafjörð
Gyða lærði í Myndlistarskóla Kópavogs í nokkur ár og útskrifaðist af Hönnunarbraut Fjölbrautaskólans í Breiðholti. Gyða er lærður nuddari og á einnig að baki 6 ára nám í ilmkjarnaolíufræðum, hún gaf m.a. út bók um ilmkjarnaolíur árið 2019.
Þetta er sjötta einkasýning Gyðu og jafnframt sú fyrsta á Selfossi
Myndefni á sýningunni er nátengt áhugasviði Gyðu sjálfrar. Gömul hús og skúrar af ýmsum gerðum hafa lengi heillað hana og skemmst er frá því að segja að hún smíðaði tíu kofa á meðan hún var á barnsaldri. Gyða er einnig jurtanorn og því fá nornirnar sinn sess á sýningunni.
Einnig hefur Gyða myndskreytt barnabók
Bókin heitir "Bernskubrek á Suðureyri" og eru endurminningar 5 telpna frá Suðureyri við Súgandafjörð.
Gyða málar einnig eftir gömlum myndum.
Sýning Gyðu í Listagjánni er opin á opnunartíma Bókasafns Árborgar, Selfossi.
Sýningin heldur áfram á Norðurgangi, Sundhöll Selfoss frá 15. júlí til 14. ágúst.
