Málverkasýning | Listagjáin
Gunnar Gränz listmálari heldur málverkasýningu í Listagjánni á Bókasafni Árborgar í menningarmánuðinum október.
Gunnar hefur aldrei gengið í listaskóla en lítur á sig sem alþýðulistamann sem lært hefur í skóla lífsins og sótt menntun til íslenskrar náttúru og annarra listamanna í landinu. Hann málar sér til ánægju og hefur haldið fjölda sýninga, bæði einn og með öðrum listamönnum, einnig var hann þátttakandi í Imago Mundi verkefninu, Iceland/Boiling Ice.
Gunnar er fæddur í Vestmannaeyjum 1932 en flutti á Selfoss árið 1942 og hefur búið þar alla tíð síðan.
Gunnar fékk Menningarviðurkenningu Sveitafélagsins Árborgar árið 2016.
Sýningin er opin á afgreiðslutíma bókasafnsins.
Allir hjartanlega velkomnir!
