17.4.2017 | Vor í Árborg – Sunnlenskir kvikmyndadagar í Selfossbíó

Forsíða » Fréttir » Vor í Árborg – Sunnlenskir kvikmyndadagar í Selfossbíó

image_pdfimage_print

Sunnlenskir kvikmyndadagar verða haldnir í Selfossbíói dagana 20. – 23. apríl í tengslum við Vor í Árborg. Tilgangurinn með þessum dögum er sá að kynna og gefa fólki kost á því að sjá fáséðar myndir í kvikmyndahúsi, sem allar hafa það sameiginlegt að hafa tengingu við Suðurland. Verkefnastjóri kvikmyndadaga er Gunnar Sigurgeirsson og er þetta þriðja árið sem þessir dagar eru haldnir í samstarfi við SASS, Selfossbíó og Sveitarfélagið Árborg.

Fyrsta sýningin verður á Sumardaginn fyrsta þegar mynd Páls Seingrímssonar, Undur vatnsins, birtist á hvíta tjaldinu. Síðan verða Vestmannaeyjar og Ginklofin í forgrunni og þá hugvit í Villingaholtshreppi, fjárleitir á Gnúpverjaafrétti, fjallamenska á Fimmvörðuhálsi og rafmagnssmíði í Skaftafellssýslu.

Á lokadeginum verður meistari Þór Vigfússon á sagnaslóðum Flóans og síðan líkur þessum kvikmyndadögum í Veiðivötnum. Framleiðendur og kvikmyndagerðarmenn gáfu góðfúslegt leyfi til sýninga á myndunum og eiga þeir þakkir skyldar fyrir sitt framlag.

Áhugasamir sýningagestir eru hvattir til að tryggja sér miða tímalega í afgreiðslu Selfossbíós því aðeins eru 50 sæti í boði á hverja sýningu og frítt inn.

Sunnlenskir kvikmyndadagar í Selfossbíó – Frítt inn á allar sýningar

Fimmtudagur 20. apríl Sumardagurinn fyrsti

15 : 00 Undur vatnsins. Heimildamynd – Páll Steingrímsson

16 : 00 Ginklofinn. Barnasjúkdómur í Vestmannaeyjum og á Sankti Kilda. Heimildamynd – Páll Steingrímsson.

17 : 00 Hugvit og hagleikur. Frumkvöðlar og hugvitsmenn í Villigaholtshreppi. Heimildamynd – Þórbergur Hrafn Ólafsson.

18 : 00 Upp undir jökli. Fjárleitir á Gnúpverjaafrétti. Heimildamynd – Steinþór Birgisson

Föstudagur 21. apríl

17 : 00 Undur vatnsins. Heimildamynd – Páll Steingrímsson.

18 : 00 Fjallmenn á Fimmvörðuhálsi Fjallagarpar og Guðmundur frá Miðdal. Heimildamynd – Ari Trausti Guðmundsson og Hjálmtýr

Heiðdal.

18 : 30 Það kom svolítið rafmagn. Skaftfellski rafmagnssmiðurinn Bjarni Runólfsson í Hólmi. Heimildamynd – Hjálmtýr Heiðdal og

Finnbogi Hermannsson.

Laugadagur 22. apríl

16 : 00 Upp undir jökli Fjárleitir á Gnúpverjaafrétti. Heimildamynd – Steinþór Birgisson.

17 : 00 Hugvit og hagleikur Frumkvöðlar og hugvitsmenn í Villigaholtshreppi. Heimildamynd – Þórbergur Hrafn Ólafsson.

18 : 00 Fjallmenn á Fimmvörðuhálsi Fjallagarpar og Guðmundur frá Miðdal. Heimildamynd – Ari Trausti Guðmundsson og Hjálmtýr

Heiðdal.

18 : 30 Það kom svolítið rafmagn. Skaftfellski rafmagnssmiðurinn Bjarni Runólfsson í Hólmi. Heimildamynd – Hjálmtýr Heiðdal og

Finnbogi Hermannsson.

Sunnudagur 23. apríl

15 : 00 Ginklofinn. Barnasjúkdómur í Vestmannaeyjum og á Sankti Kilda. Heimildamynd – Páll Steingrímsson.

16 : 00 Hér sé Guð og góðir vættir. Söguslóðir Þórs Vigfússonar. Heimildamynd – Gunnar Sigurgeirsson.

17 : 00 Vatnalíf. Sögu- og veiðislóðir Veiðivatna. Heimildamynd – Gunnar Sigurgeirsson.