Fundargerðir

Bæjarráð - 40

Haldinn í Setri Egils, Ráðhúsi Árborgar, Austurvegi 2, Selfossi,
04.07.2019 og hófst hann kl. 17:00

Fundinn sátu: Eggert Valur Guðmundsson formaður, S-lista,
Tómas Ellert Tómasson bæjarfulltrúi, M-lista,
Gunnar Egilsson bæjarfulltrúi, D-lista,
Gísli Halldór Halldórsson bæjarstjóri.

Fundargerð ritaði: Gísli Halldór Halldórsson, bæjarstjóri

Dagskrá:

Almenn erindi

1. 1906157 - Beiðni - aukning á stöðugildi veturinn 2019-2020

Málinu var frestað á 39. fundi bæjarráðs en óskað var eftir tillögum frá bæjarstjóra og fræðslustjóra um markmið og verklag í tengslum við starfsnám leik- og grunnskólakennaranema.

Bæjarráð samþykkir tímabundið 20% stöðugildi leiðsagnarkennara fyrir skólaárið 2019-2020. Áætlaður kostnaður fjárhagsárið 2019 er 611.415.-
Bæjarráð gerir ráð fyrir að þessi kostnaður rúmist innan fjárhagsáætlunar.

Nýtt starfsheiti leiðsagnarkennara_240619_uppfært.pdf

2. 1904044 - Yfirlýsing vegna lífskjarasamninga 2019-2022 á almennum vinnumarkaði

Bókun frá Sambandi íslenskra sveitarfélaga, dags. 26. júní, vegna álagsprósentu fasteignaskatts.

Lagt fram til kynningar.

Samþykkt stjórnar sambandsins vegna erindis ASÍ.pdf

3. 1603084 - Verndarsvæði í byggð - Eyrarbakki

Á 39. fundi bæjarráðs, undir liðnum fundargerðir hverfisráðs Eyrarbakka, var bæjarstjóra falið að afla gagna og leggja fyrir næsta fund bæjarráðs sundurliðað kostnaðaryfirlit yfir þá verkþætti sem þegar hafa verið unnir í tengslum við verkefnið Verndarsvæði í byggð á Eyrarbakka. Samhliða því verði lögð fram kostnaðaráætlun yfir þá vinnu sem eftir er til þess að ljúka við verkefnið.

Landform hefur lokið stærstum hluta síns verkþáttar og mun skila skýrslu um vinnuna og stöðu verkefnisins til Árborgar í ágúst. Þá verður hægt að leggja mat á kostnað við að ljúka verkefninu og sækja 70% af samþykktum styrk vegna verkefnisins til Minjastofnunar.

4. 1904302 - Starfsmannamál - launað námsleyfi haustið 2019

Ósk um launað námsleyfi.

Bæjarráð telur ekki mögulegt að verða við erindinu að þessu sinni. Bæjarráð felur bæjarstjóra, ásamt sviðstjórum sem málin varða, að vinna drög að reglum um styrki sveitarfélagsins til starfsmanna vegna starfstengds náms og leggja fyrir bæjarráð í aðdraganda fjárhagsáætlunargerðar í haust.

5. 1906161 - Trúnaðarmál

Áður frestað á 39. fundi bæjarráðs.
Gögn verða lögð fram á fundinum.

Fundargerð ásamt minnisblaði bæjarstjóra lagt fram á fundinum.

6. 1809027 - Úthlutun aflamarks á fiskveiðiárinu 2018/2019

Tilkynning frá Fiskistofu, dags. 28. júní. Makríll hefur nú verið hlutdeildarsettur um 80% aflamarks 2019, úthlutað til bráðabirgða.

Lagt fram til kynningar.

Tilkynning frá Fiskistofu - Makrílveiðar.pdf

7. 1907004 - Umhverfisátak í Flóahreppi sumarið 2019

Erindi frá Flóahreppi dags. 14. júní til íbúa og fasteignaeigenda í Flóahreppi. Hreint Suðurland - Umhverfis Suðurland.

Lagt fram til kynningar.

Til fasteignaeigenda í Flóahreppi - sunnlenskt átak í hreinsun og fegrun umhverfis.pdf

8. 1904069 - Rekstrarleyfisumsögn - Annalyn Guesthouse

Beiðni frá Sýslumanninum á Suðurlandi, dags. 5. apríl, þar sem óskað er eftir umsögn um rekstrarleyfi til sölu gistinga í flokki II, minna gistiheimili. Umsækjandi Adan ehf, kt. 510706-0480. Skipulags- og byggingarnefnd samþykkti umsóknina á fundi sínum 26. júní sl.

Bæjarráð samþykkir fyrir sitt leyti að leyfið verði veitt.

Beiðni um umsögn um rekstrarleyfisumsókn fyrir gistingu í flokki II.pdf

9. 1904021 - Rekstrarleyfisumsögn - Tryggvagata Apartment

Beiðni frá Sýslumanninum á Suðurlandi, dags. 2. apríl, þar sem óskað er eftir umsögn um rekstrarleyfi til sölu gistingar í flokki II. Umsækjandi: Rest slf, kt. 450118-1090. Skipulags- og byggingarnefnd samþykkti umsóknina á fundi sínum 26. júní sl.

Bæjarráð samþykkir fyrir sitt leyti að leyfið verði veitt.

Beiðni um umsögn um rekstrarleyfisumsókn fyrir gistingu í flokki II - 1904021.pdf

10. 1906071 - Rekstrarleyfisumsögn - Vor veitingar

Beiðni frá Sýslumanninum á Suðurlandi, dags. 5. júní, þar sem óskað er eftir umsögn um rekstrarleyfi til sölu veitinga í flokki II, veitingastofa og greiðasala. Umsækjandi: Vor veitingar ehf., kt. 540519-2500.
Skipulags- og byggingarnefnd samþykkti umsóknina á fundi sínum 26. júní sl.

Bæjarráð samþykkir fyrir sitt leyti að leyfið verði veitt.

Beiðni um umsögn um rekstarleyfi - Vor veitingar ehf.pdf

11. 1801139 - Eftirlit á móttökustað fyrir úrgang í landi Lækjamóta

Erindi frá Umhverfisstofnun, dags. 28. júní, áætlun um frágang og vöktun - urðunarstaður að Lækjarmóti.

Samkvæmt aðalskipulagi sveitarfélagsins 2010-2030 er umrætt svæði skilgreint sem efnislosunarsvæði en ekki urðunarstaður og hefur svæðið alltaf verið notað í samræmi við skipulagsskilmála. Bæjarráð mótmælir fullyrðingum Umhverfisstofnunar um að þarna sé um urðunarstað að ræða og felur bæjarstjóra að svara erindinu á þann veg.
Málið er að öðru leyti í úrvinnslu hjá mannvirkja- og umhverfissviði.

12. 1905419 - Grænamörk - lóðafrágangur

Á 39. fundi bæjarráðs var óskað eftir nánari kostnaðarupplýsingum og tillögu að viðauka vegna málsins.

Samkvæmt minnisblaði sem fyrir liggur á fundinum er farið fram á fjárfestingarviðauka að upphæð kr. 7.500.000 vegna lóðarfrágangs við Grænumörk.
Bæjarráð samþykkir að gerður verði viðauki við fjárhagsáætlun.

13. 1905139 - Unglingalandsmót UMFÍ á Selfossi 2020

Breyting á fulltrúa starfsmanna í vinnuhóp vegna unglingalandsmóts 2020.

Atli Marel Vokes tekur sæti í hópnum í stað Auðar Guðmundsdóttur.

14. 1901031 - Bygging leikskóla við Engjaland 21

Endurskoðun á vinnuhóp um leikskólabyggingu við Engjaland 21.

Gunnar Eysteinn Sigurbjörnsson mun sitja fundina fyrir hönd fræðslunefndar í stað Örnu Írar, formanns fræðslunefndar.

15. 1906158 - Aðalfundur Eignarhaldsfélagsins Brunabótafélags Íslands 2019

Erindi frá EBÍ þar sem fram kemur að aðalfundur fulltrúaráðs EBÍ verði haldinn föstudaginn 20. september nk. á Hótel Natura.

Lagt fram til kynningar.

Fundarboð á aðalfund fulltrúaráðs EFÍ.pdf

16. 1905407 - Stofnfundur samstarfsvettvangs sveitarfélaga fyrir heimsmarkmiðin og loftslagsmál

Drög að yfirlýsingu frá Sambandi íslenskra sveitarfélaga, dags. 26. júní, um samstarf sveitarfélaga um loftslagsmál og heimsmarkmið Sameinuðu þjóðanna. Samband íslenskra sveitarfélaga hvetur sveitarfélög til að samþykkja yfirlýsinguna.

Bæjarráð tekur undir yfirlýsinguna. Nú þegar er Svf. Árborg þátttakandi í Framfaravog sveitarfélaga og Heilsueflandi samfélagi, en bæði verkefnin byggja á Heimsmarkmiðum Sameinuðu þjóðanna.

Yfirlýsing um samstarf sveitarfélaga um loftslagsmál og heimsmarkmið Sameinuðu þjóðanna.pdf

Fundargerðir

17. 1906011F - Skipulags og byggingarnefnd - 23

17.30. 1810167 - Umsókn um hækkun nýtingarhlutfalls að Sílalæk 24, erindið hefur verið grenndarkynnt. Umsækjandi: Gunnar Ingi Jónsson

Lagt er til við bæjarstjórn að skipulagstillagan verði samþykkt.

Niðurstaða þessa fundar

Bæjarráð samþykkir skipulagstillöguna.

17.31. 1903134 - Fyrirspurn um byggingu bílskúrs að Skógarflöt, erindi hefur verið grenndarkynnt. Fyrirspyrjandi: Tómas A.

Lagt er til við bæjarstjórn að skipulagstillagan verði samþykkt.

Niðurstaða þessa fundar

Bæjarráð samþykkir skipulagstillöguna.

17.36. 1905086 - Beiðni um breytingu á vegi að Norðurleið 24, erindið hefur verið grenndarkynnt.

Lagt er til við bæjarstjórn að skipulagstillagan verði samþykkt.

Niðurstaða þessa fundar

Bæjarráð samþykkir skipulagstillöguna.

17.37. 1704198 - Umsókn um endurnýjun á byggingarleyfi að Laxabakka 4 Selfossi, erindið hefur verið grenndarkynnt og athugasemdir borist. Umsækjandi: Helgi Jónsson.

Lagt er til við bæjarstjórn að skipulagstillögunni verði hafnað.

Niðurstaða þessa fundar

Bæjarráð hafnar skipulagstillögunni að tillögu skipulags- og byggingarnefndar.

17.38. 1905108 - Umsókn um framkvæmdarleyfi fyrir stækkun á dreifistöð. Umsækjandi HS Veitur.

Lagt er til við bæjarráð að framkvæmdarleyfið verði samþykkt.

Niðurstaða þessa fundar

Bæjarráð samþykkir framkvæmdaleyfi fyrir stækkun á dreifistöð.

18. 1906013F - Eigna- og veitunefnd - 6

Fundargerðir til kynningar

19. 1904185 - Fundargerðir hverfisráðs Selfoss

2. fundur haldinn 28. maí.

Erindi vegna gangstétta og gönguleiða er vísað til eigna- og veitunefndar til umfjöllunar.
Erindi vegna jarðvegs vísað til umhverfisnefndar.
Erindi um leikvelli vísað til eigna- og veitunefndar.
Erindi um grænt svæði við Tjarnarbyggð vísað til eigna- og veitunefndar.
Erindi vegna opnunartíma sundlauga vísað til menningar- og frístundanefndar.
Erindi vegna grenndargáma vísað í umhverfisnefnd.
Erindi vegna dýrafangara vísað í umhverfisnefnd.

Hverfisráð Selfoss 2.fundur.pdf

20. 1903289 - Fundargerðir hverfisráðs Stokkseyrar 2019

Fundur haldinn 24. júní.

Vísað til umhverfisnefndar: 2.,3. og 4. liður.
Vísað til eigna- og veitunefndar: 5., 6., 7. og 9. liður.

Fundur haldinn 24.06.19.pdf

21. 1901335 - Fundargerðir stjórnar Sambands íslenskra sveitarfélaga 2019

872. fundur haldinn 21. júní.

stjórn Sambands íslenskra sveitarfélaga - 872.pdf

22. 1902004 - Fundargerðir Héraðsnefndar Árnessýslu bs. 2019

Fundargerð vorfundar, 16. fundur.

Fundargerð 16. fundar.pdf

23. 1902248 - Fundargerðir stjórnar Byggðasafns Árnesinga 2019