Vinnuskóli Árborgar

Austurvegur 2b | 800 Selfoss
Símanúmer: 480 1951
Netfangvinnuskolinn@arborg.is 

Áhaldahús

Vinnuskóli Árborgar er starfræktur á sumrin en þar fá unglingar úr efstu bekkjum grunnskólanna tækifæri á að vinna við ýmiskonar verkefni sem eiga það sameiginlegt að gera sveitarfélagið okkar fegurra. 

Hægt er að sækja um í gegnum skráningarkerfið Völu: Skrá í Vinnuskóla Árborgar

Megin hlutverk Vinnuskólans er að veita nemendum uppbyggileg sumarstörf ásamt fræðslu í öruggu starfsumhverfi. Öllum nemendum 7., 8., 9. og 10. bekkja býðst að koma til starfa við fjölbreytt verkefni sem flest snúa að garðyrkju og umhirðu í sveitarfélaginu. Unglingar geta einnig sótt um þátttöku í Skapandi sumarstörfum.

Áhersla er lögð á að starfsumhverfið sé hvetjandi og ungmennin fái tækifæri til að stíga sín fyrstu skref á vinnumarkaðnum. Farið er yfir mikilvæga þætti eins og reglusemi, stundvísi, ábyrgðartilfinningu og hvernig bera eigi virðingu fyrir umhverfi sínu. Í lok sumars gefst nemendum kostur á að fá umsagnir um störf sín sem unnar eru af flokkstjórum Vinnuskólans og Vinnuskólastjóra.

Vinnuskólinn 2022

Vinnuskóli Árborgar er starfræktur á sumrin en þar fá unglingar úr efstu bekkjum grunnskólanna tækifæri á að vinna við ýmiskonar verkefni sem eiga það sameiginlegt að gera sveitarfélagið okkar fegurra. Opnað er fyrir umsóknir í apríl mánuði ár hvert. 

Megin hlutverk Vinnuskólans er að veita nemendum uppbyggileg sumarstörf ásamt fræðslu í öruggu starfsumhverfi. Í sumar bjóðum við 7. bekkingum í vinnskólann í fyrsta skipti. Öllum nemendum 7, 8, 9 og 10. bekkja býðst að koma til starfa við fjölbreytt verkefni sem flest snúa að garðyrkju og umhirðu í sveitarfélaginu. Þá geta unglingar í 9-10 bekk einnig sótt um ýmis skapandi sumarstörf. 

 Áhersla er lögð á að starfsumhverfið sé hvetjandi og ungmennin fái tækifæri til að stíga sín fyrstu skref á vinnumarkaðnum. Farið er yfir mikilvæga þætti eins og reglusemi, stundvísi, ábyrgðartilfinningu og hvernig bera eigi virðingu fyrir umhverfi sínu. Í lok sumars gefst nemendum kostur á að fá umsagnir um störf sín sem unnar eru af flokkstjórum Vinnuskólans og Vinnuskólastjóra.

Markmið vinnuskólans

  • Fegra og snyrta bæinn okkar
  • Gefa unglingum kost á vinnu, þjálfun og fræðslu í sumarleyfi sínu
  • Kenna unglingum fagleg vinnubrögð og meðferð verkfæra
  • Unglingarnir læri virðingu, stundvísi og aga á vinnustað
  • Unglingar læri að bera virðingu fyrir umhverfi sínu og bænum sínum
  • Viðhalda jákvæðri ímynd um vinnuskólann og gera hana enn jákvæðari

Skrifstofan 

Skrifstofa Vinnuskólans er stödd í félagsmiðstöðinni Zelsíuz að Austurvegi 2B. Þar starfa Dagbjört Harðardóttir skólastjóri vinnuskólanns, Guðmunda Bergsdóttir móttökuritari og Alexander og Ellý umsjónaraðilar stuðningsúrræða. 

Símanúmerin á skrifstofunni eru:
480 1952
480 1951
vinnuskolinn@arborg.is 

Veikindi skal tilkynna í síma 480 1952 fyrir klukkan 09:00 á morgnana.

Vinnutími er eftirfarandi

Unnið verður á einu tímabili þetta sumarið - 13. júní - 22. júlí.
07. Bekkur: eftir hádegi mán - fim
08. Bekkur: fyrir hádegi mán - fim
09. Bekkur: fyrir og eftir hádegi mán - fim
10. Bekkur: fyrir og eftir hádegi mán - fim og fyrir hádegi á fös. 

  • 2009: 3 tímar á dag - 4 daga vikunnar = 72 klst. (15. mín kaffitími kl: 14:45) 
  • 2008: 3,5 tímar á dag - 4 daga vikunnar = 84 klst (15. mín kaffitími kl: 10:00) • 2007: 6,5 tímar á dag - 4 daga vikunnar = 156 klst (15. mín kaffitími kl: 10:00 - hádegismatur kl 12:00-13:00 - 15 mín kaffitími 14:45) 
  • 2006: 6,5 tímar á dag - 4 daga vikunnar og 3,5 tímar á föstudögum = 170 klst (15. mín kaffitími kl: 10:00 - hádegismatur kl 12:00-13:00 – 15 mín kaffitími 14:45)

Laun eru eftirfarandi

  • 2009: 476 kr. á tímann. Geta unnið sér inn ca. 34.200 kr. yfir sumarið 
  • 2008: 833 kr. á tímann. Geta unnið sér inn ca. 69.000 kr yfir sumarið 
  • 2007: 952 kr. á tímann. Geta unnið sér inn ca. 148.000 kr. yfir sumarið 
  • 2006: 1190 kr á tímann. Geta unnið sér inn ca. 200.000 kr. yfir sumarið

Starfsreglur Vinnuskólans

  • • Vinnuskólinn er tóbakslaus vinnustaður. Það gildir á leið í og úr vinnu, á vinnusvæði og í matar- og kaffitímum 
  • • Mæta ber stundvíslega til vinnu og stunda hana samviskusamlega 
  • • Fara vel með eignir Vinnuskólans og bera virðingu fyrir eignum annarra 
  • • Ef um veikindi er að ræða skal forráðamaður tilkynna þau fyrir kl. 09:00 á morgnanna á skrifstofu skólans í síma 480 1951 eða 480 1952  
  • Notkun farsíma við vinnu er ekki heimil. Símar skulu vera stilltir á hljóðlaust og ekki notaðar sem samskiptatæki á vinnutíma Vinnuskólans. Engin ábyrgð er tekin á slíkum tækjum á vinnutíma. 
  • Engin ábyrgð er tekin á persónulegum hlutum sem komið er með til vinnu og eru ekki nauðsynlegir til starfsins.
  • Beiðni um leyfi eða frí afgreiðir Vinnuskólastjóri/verkstjóri á skrifstofu skólans 
  • Starfsfólk leggur sér sjálft til allan fatnað og skal hann vera samkvæmt aðstæðum og verkefnum
  • Öllum er ráðlagt að merkja fatnað og vinnuvettlinga, skó og stígvél. Vinnuskólinn skaffar ekki vettlinga en við mælum með því að keypt séu tvö pör í byrjun sumars sem duga á yfir sumarið 
  • Allir tilburðir til eineltis verða tilkynntir til skrifstofu Vinnuskólans um leið og þeir gerast. Við þá tilkynningu fer af stað verkferill vegna eineltismála. 
  • Unglingarnir eru á tímakaupi, ef þau sinna ekki vinnu sinni þrátt fyrir að vera á staðnum áskilur Vinnuskólinn sér rétt til að greiða ekki fyrir óunna vinnu.

Brot á starfsreglum Vinnuskólans getur þýtt brottvísun, að undangenginni áminningu.

  • Brjóti nemandi vísvitandi reglur vinnuskólans getur flokkstjóri áminnt nemandann og í samráði við verkstjóra vísað nemanda úr vinnu tímabundið, en endanleg brottvikning er í höndum vinnuskólastjóra í samráði við verkstjóra og flokkstjóra.
  1. Brottrekstur - haft samband við foreldra símleiðis. 
  2. Brottrekstur - fundur með forráðamönnum. 
  3. Brottrekstur rekin(n) út sumarið – samskipti við forráðamenn. 
  • Ef um alvarlegri brot er að ræða getur nemanda verið vísað úr vinnuskólanum á staðnum. Haft er samband við foreldra ef nemanda er vísað úr vinnu tímabundið eða endanlega. 
  • Ef eineltismál koma upp í vinnuskólanum verður farið eftir ákveðnum verkfe vinnuskólinn hefur útbúið sér. Slík mál eru ávallt unnin í samráði við foreldra viðkomandi.  
  • Ef foreldrar eða forráðamenn eru ósáttir við störf eða aðgerðir tengdar Vinnuskólanum þá skal hafa samskipti beint við skrifstofu Vinnuskólans. Ekki un dir neinum kringumstæðum skal hafa samband við flokkstjóra til að koma á framfæri gagnrýni eða kvörtunum. 
  • Í Vinnuskólanum er ekki bara unnið. Við höldum einnig fræðslur og lokahátíð þar sem boðið er upp á grill, leiki, þrautir og margt skemmtilegt. 
  • Líkt og seinasta ár mun Vinnuskólann safna í gagnabanka meðmælum fyrir alla starfsmenn Vinnuskólans. Nemendur Vinnuskóla geta þannig sett Vinnuskólann á ferilskrá og þegar sótt er um vinnu má benda á umsjónarmenn Vinnuskólans sem meðmælendur. Þeir sem standa sig vel fá auðvitað glimrandi meðmæli en þeir sem sýna litla virkni, metnað eða neikvætt viðhorf geta ekki búist við því að meðmælin verði jákvæð.


Hópaskipting vinnuskólans 2022

Ekki er búið að raða á svæði en það verður gert þegar nær dregur og auglýst þá.


Þetta vefsvæði byggir á Eplica