Jarðvegslosun
Tekið er á móti endurnýjanlegu, óvirku jarðefni svo sem mold, möl og grjóti við Súluholt í Flóahreppi og austan við hesthúsahverfið á Stokkseyri. Skylt er að sjá um að á öllu athafnasvæði hennar sé gætt fyllsta hreinlætis og svæðið sé snyrtilegt á hverjum tíma.
Jarðvegslosun
Tekið er á móti endurnýjanlegu, óvirku jarðefni svo sem mold, möl og grjóti við Súluholt í Flóahreppi og hesthúsahverfið á Stokkseyri. Einnig er bent á móttökustöð í sveitarfélaginu að Víkurheiði 4 þar sem losa má ómengaðan úrgang og jarðefni á opnunartíma.
Hvaða efni má losa?
Á Stokkseyri er heimilt að endurnýta óvirkan úrgang eins og stein-, malar- og steypubrot og moldarjarðveg, sem í eru hrein jarðvegsefni. Lífrænan úrgang eins og trjá- og timburkurl, húsdýraáburð og landbúnaðarhrat skal eingöngu nota til íblöndunar óvirkum jarðvegi, þegar augljóst er að það þjóni hagsmunum svæðisins til uppgræðslu og landmótunar.Á Súluholti er tekið á móti óvirkum jarðvegsúrgangi, þ.e. mold, möl, sandi, grjóti, hreinum steypubrotum o.þ.h., auk lífræns jarðvegsúrgangs og trjáafklippa að svo miklu leyti sem slíkur úrgangur nýtist við frágang svæðisins.
Hvar eru jarðvegslosunarsvæðin?
Á Stokkseyri er jarðvegstippur austan við hesthúsahverfi á Stokkseyri og tippur við Súluholt í Flóahreppi er austan við bæina Súluholt og Skyggnisholt (sjá meðfylgjandi kort).
Mikilvægt er að sjá um að á öllu athafnasvæði hennar sé gætt fyllsta hreinlætis og svæðið sé snyrtilegt á hverjum tíma.
Hvenær er tekið á móti jarðvegi?
Opið er á jarðvegslosunarsvæði við Súluholt í samkomulagi við landeiganda.
Á Stokkseyri er alltaf opið, en gæta skal snyrtilegrar umgengni og losunar.
Gámasvæði Árborgar er opið mánudaga til laugardaga kl 10:00-17:00, miðvikudaga kl 10:00-18:30 en lokað er á sunnudögum.
Fyrirspurnir og/eða ábendingar
Súluholt ehf hefur umsjón með jarðvegslosunarsvæðinu að Súluholti.
Sveitarfélagið Árborg hefur umsjón með jarðvegslosunarsvæðinu á Stokkseyri og á gámasvæði, fyrirspurnir og ábendingar má senda á radhus@arborg.is