|
| Almenn erindi |
| 1. 1906012 - Kosning í embætti og nefndir 2019 |
| Eggert Valur Guðmundsson kjörinn formaður bæjarráðs og Tómas Ellert Tómasson varaformaður. |
|
|
|
|
|
| 3. 1906157 - Beiðni - aukning á stöðugildi veturinn 2019-2020 |
| Bæjarráð frestar afgreiðslu málsins og óskar eftir tillögum frá bæjarstjóra og fræðslustjóra um markmið og verklag í tengslum við starfsnám leik- og grunnskólakennaranema. |
|
|
|
| 4. 1906152 - Húsnæðismál - afnot af sal Grænumarkar 5 |
| Bæjarráð samþykkir afnotin og felur bæjarstjóra að ræða við Lionsklúbbinn Emblur um fyrirkomulagið. |
| Selfoss 11 Árborg, beiðni um afnot af sal í Grænumörk 5.pdf |
|
|
|
| 5. 1906147 - Beiðni - aukning á kvóta fyrir tónlistarkennslu í Árborg |
| Bæjarráð vísar erindinu til vinnu við fjárhagsáætlun í haust, enda er ekki gert ráð fyrir þessari kostnaðaraukningu í fjárhagsáætlun 2019. |
| Svfél. Árborg v. viðbótarkvóta 2019 - 2020.pdf |
|
|
|
| 6. 1906146 - Aukalandsþing sambandsins 6. september 2019 |
| Lagt fram til kynningar. |
| Boðun aukalandsþings sambandsins 2019.pdf |
|
|
|
| 7. 1905407 - Stofnfundur samstarfsvettvangs sveitarfélaga fyrir heimsmarkmiðin og loftslagsmál |
| Bæjarráð samþykkir aðild Svf. Árborgar að samstarfsvettvangnum. |
| Samstarfsvettvangur sveitarfélanna fyrir heimsmarkmiðin og loftslagsmál. .pdf |
|
|
|
| 8. 1906161 - Trúnaðarmál |
Ég undirritaður bendi á að gögn vegna málsins voru ekki send út í samræmi við samþykktir sveitarfélagsins, þrátt fyrir beiðni undirritaðs, og fer þess á leit að málinu verði frestað til næsta fundar, líkt og kveðið er á um í samþykktum sveitarfélagsins að gera skuli þegar svo stendur á og bæjarfulltrúi óskar eftir. Bæjarfulltrúar eiga rétt á að fá málsgögn send með fundarboði og gildir þá einu hvort um trúnaðarmál er að ræða eða ekki. Einfalt er að merkja gögn sem trúnaðargögn. Bæjarfulltrúar eru bundnir trúnaði í samræmi við eðli máls, en það merkir ekki að halda eigi gögnum frá þeim.
Gunnar Egilsson
Undirritaður mótmælir þeirri túlkun Gunnars Egilssonar að bæjarmálasamþykkt krefjist þess að öll gögn séu send út með fundarboði bæjarráðs. Það er einfaldlega ekki rétt. Gögn vegna trúnaðarmálsins liggja frammi á þessum fundi.
Gísli H. Halldórsson, bæjarstjóri
Bæjarráð samþykkir tillögu Gunnars Egilssonar um að málinu verði frestað til næsta fundar. |
|
|
|
| 9. 1906166 - Beiðni - nýtt stöðugildi á frístundaheimili Árborgar |
| Bæjarráð vísar erindinu til vinnu við fjárhagsáætlun í haust, enda er ekki gert ráð fyrir þessari kostnaðaraukningu í fjárhagsáætlun 2019. |
|
|
|
| 10. 1906175 - Tækifærisleyfi - Rauða húsið vegna Jónsmessuhátíðar 2019 |
| Bæjarráð veitir samþykki fyrir sitt leyti. |
| Beiðni um umsögn um tækifærisleyfi.pdf |
|
|
|
| 11. 1905364 - Rekstrarleyfisumsögn - Draugasetrið |
| Bæjarráð veitir samþykki fyrir sitt leyti. |
| Umsókn um rekstarleyfi Hafnargata 9.pdf |
|
|
|
| 12. 1906192 - Styrkbeiðni - stór mynd af handboltaliði Umf. Selfoss á Hleðsluhöllina |
| Bæjarráð samþykkir erindið. |
|
|
|
|
| Fundargerðir |
| 13. 1905011F - Eigna- og veitunefnd - 4 |
13.3. 1905419 - Grænamörk - lóðafrágangur
Farið yfir fyrirhugaðar framkvæmdir sunnan við Grænumörk 5, merkt svæði 10 á uppdrætti frá Landform og yfirborðsfrágang vegna fráveituframkvæmda vestan við Grænumörk 5. Þar sem rask vegna fráveituframkvæmda varð meira en áætlað var og vegna óskar um fjölgun bílastæða er ljóst að um viðbótarkostnað er að ræða. Starfandi sviðstjóra falið að ganga til samninga við verktaka.
Lagt er til við bæjarráð að ef kostnaður rúmast ekki innan fjárfestingaráætlunar að samþykktur verði viðauki að hámarki 9 milljónir vegna verksins.
Niðurstaða þessa fundar
Bæjarráð óskar eftir nánari kostnaðarupplýsingum og tillögu að viðauka vegna málsins.
|
|
|
|
| 14. 1906006F - Eigna- og veitunefnd - 5 |
Bæjarráð tekur undir áskorun eigna- og veitunefndar til Vegagerðarinnar í 3ja lið fundargerðar þar sem Eigna- og veitunefnd skorar á Vegagerðina að hefja sem fyrst framkvæmdir við gerð hringtorgs, auk undirganga fyrir gangandi vegfarendur, við gatnamót Eyravegar og Suðurhóla á Selfossi. Vegna mikillar fjölgunar íbúa á Selfossi og þá sérstaklega í Hagalandi hefur umferð aukist verulega um þessi gatnamót sem í dag eru krossgatnamót. Að auki mun uppbygging í Björkurstykki hefjast í haust með enn frekari aukningu umferðar um Eyraveg og Suðurhóla.
Ástand Austurvegar og Eyravegar er slæmt og aðkallandi er að Vegagerðin fari í gagngerar endurbætur á götunum og bæti þar umferðaröryggi. Umferð um Austurveg hefur stóraukist síðustu ár þar sem skapast oft á tíðum stórhætta fyrir gangandi og hjólandi umferð.
|
|
|
|
| 15. 1906001F - Félagsmálanefnd - 7 |
15.10. 1905362 - Hvatning til sveitarfélaga - samræmt verklag vegna gruns um ofbeldi eða vanrækslu fyrir allar stofnanir sem starfa með börnum
Félagsmálanefnd telur mikilvægt að samræma verklag sem tryggir samhæfð viðbrögð og vinnulag stofnana og íþrótta- og æskulýðsstarfsemi til að tryggja öryggi og velferð barna og ungmenna í sveitarfélaginu. Nefndin tekur jákvætt í erindi UNICEF á Íslandi og leggur til við bæjarráð að óska eftir tölfræði frá Rannsóknum og greiningu um fjölda barna í sveitarfélaginu sem orðið hafa fyrir ofbeldi.
Niðurstaða þessa fundar
Bæjarráð samþykkir að óska eftir tölfræði frá Rannsóknum og greiningu um fjölda barna í sveitarfélaginu sem orðið hafa fyrir ofbeldi.
|
|
|
|
| 16. 1905015F - Skipulags og byggingarnefnd - 21 |
16.11. 1901274 - Tillaga að deiliskipulagi Hjalladælar á Eyrarbakka.
Lagt er til að unnin verði skipulagslýsing og skipulagsmörk verði stækkuð í vestur og norðurhluti Túngötu tekin með.
Niðurstaða þessa fundar
Bæjarráð samþykkir að unnin verði skipulagslýsing og skipulagsmörk verði stækkuð í vestur og norðurhluti Túngötu tekin með.
|
|
|
|
| 17. 1906003F - Skipulags og byggingarnefnd - 22 |
|
|
|
| 18. 1906005F - Fræðslunefnd - 12 |
|
|
|
| 19. 1906007F - Íþrótta- og menningarnefnd - 11 |
|
|
|
|
| Fundargerðir til kynningar |
| 20. 1903124 - Fundargerðir Bergrisans bs. 2019 |
| Fundargerð 6. fundar stjórnar Bergrisans.pdf |
|
|
|
| 21. 1901176 - Fundargerðir stjórnar SASS 2019 |
| 546. fundur stj. SASS.pdf |
|
|
|
| 22. 1903090 - Fundargerðir hverfisráðs Eyrarbakka 2019 |
Bæjarráð tekur undir með hverfisráði Eyrarbakka mikilvægi þess að verkefninu Verndarsvæði í byggð á Eyrarbakka verði lokið. Bæjarráð tekur undir með hverfisráðinu að bæjaryfirvöld hafa einstakt tækifæri í höndunum til að staðfesta menningarsögulegt gildi gömlu byggðarinnar á Eyrarbakka. Bæjarstjóra falið að afla gagna og leggja fyrir næsta fund bæjarráðs sundurliðað kostnaðaryfirlit yfir þá verkþætti sem þegar hafa verið unnir í tengslum við verkefnið Verndarsvæði í byggð á Eyrarbakka, samhliða því verði lögð fram kostnaðaráætlun yfir þá vinnu sem eftir er til þess að ljúka við verkefnið.
Bæjarráð vísar bókun hverfisráðs í 3ja lið, um upplýsingaskilti, til umfjöllunar í frístunda- og menningarnefnd. |
| hverfisrad-Eyrarb_26-fundur_120619.pdf |
|
|
|
