1. 2009697 - Fundarboð og kjörbréf fulltrúa - aðalfundur öldrunarráðs Íslands 2020
Erindi frá Öldrunarráði Íslands, dags. 14. september, þar sem óskað var eftir upplýsingum um fulltrúa sveitarfélagsins á aðalfund sem haldinn verður 6. október nk.
Bæjarráð felur Fjölskyldusviði að tilnefna fulltrúa úr félagsþjónustunni til að sitja aðalfundinn og koma upplýsingunum á framfæri.
2. 2009698 - Beiðni um tilnefningar til viðurkenninga Öldrunarráðs
Beiðni frá Öldrunarráði Íslands dags. 14. september, þar sem óskað var eftir tilnefningum til viðurkenningar Öldrunarráðs sem veitt verður á aðalfundi þann 6. október nk.
3. 2009541 - Tillaga UNGSÁ um laun fyrir fundarsetu og laun fyrir áheyrnarfulltrúa
Tillaga frá 27. fundi bæjarstjórnar frá 16. september sl., liður 8. Tillaga UNGSÁ um laun fyrir fundarsetu og laun fyrir áheyrnarfulltrúa. Ungmennaráð Árborgar lagði til að Ungmennaráð Árborgar fengi greidd full fundarsetulaun, ásamt því að fá greidd laun sem áheyrnarfulltrúar.
Að loknum umræðum samþykkti bæjarstjórn samhljóða að vísa tillögunni til bæjarráðs.
Bæjarráð lítur svo á að áheyrnarfulltrúar séu að störfum fyrir hönd sinna hagsmunaaðila og verði því ekki launaðir af sveitarfélaginu. Þóknun sú sem nú er greidd fyrir fundi ungmennaráðs verður óbreytt.
4. 2009746 - Áskorun stjórnar FA vegna fasteignaskatts á atvinnuhúsnæði
Áskorun frá stjórn Félags atvinnurekenda, dags. 18. september, um að sveitarfélög lækkuðu álagningarprósentu fasteignaskatts á atvinnuhúsnæði við gerð fjárhagsáætlana fyrir næsta ár.
Bæjarráð vísar erindinu til úrvinnslu við gerð fjárhagsáætlunar 2021-2024.
Bæjarráð hvetur ríkisstjórn Íslands til þess að láta endurskoða framlög til sveitarfélaga úr jöfnunarsjóði. Ljóst er af útdeilingu tekjujöfnunarframlags að verið er að deila byrðum þeirra sveitarfélaga sem harðast verða úti á önnur sveitarfélög sem flest eru einnig í erfiðleikum. Nú horfir svo við að nærri helmingurinn af þeim skelli sem Svf. Árborg verður fyrir stafar af skerðingum Jöfnunarsjóðs. Hlutverk sveitarfélaga í endurreisn samfélagsins og félagslegum úrræðum kallar á að ríkið komi að borðinu með afgerandi hætti.