1. 1911006 - Útboð á akstri fyrir Sveitarfélagið Árborg
Niðurstöður vinnu vegna fyrirhugaðs útboðs á akstri í sveitarfélaginu kynntar. Óskað er eftir samþykki bæjarráðs til þess að klára vinnuna við útboðið á grundvelli þeirra forsendna sem kynntar eru.
Bæjarráð samþykkir að fullunnin verði útboðsgögn á grundvelli framlagðra gagna, m.a. minnisblaðs VSÓ dags. 27. nóvember. Helstu atriði akstursúboðsins hafa nú verið kynnt fyrir frístunda- og menningarnefnd, félagsmálanefnd, fræðslunefnd og skólastjórum grunnskólanna. Tekið hefur verið tillit til athugasemda sem fram hafa komið á þessum fundum. Kostnaðaráætlun verði lögð fyrir bæjarráð þegar útboðsgögn eru tilbúin.
Bæjarráð samþykkir að gera tilboð um kaup á landspildu úr landi Geirakots í samræmi við fyrirliggjandi drög.
Kjartan Björnsson D-lista lagði fram eftirfarandi bókun Fulltrúi D lista fagnar því að loksins sé gengið til samninga um löngu tímabær kaup á landi úr Geirakoti í Sandvíkurhreppi.
Fundargerðir
4. 1911008F - Skipulags og byggingarnefnd - 33
33. fundur haldinn 20. nóvember 2019.
4.13. 1807111 - Óskað er umsagnar um rekstrarleyfi fyrir gististað í flokki II að Eyrargötu 37a Eyrarbakka, erindið hefur verið grenndarkynnt og athugasemdir borist. Umsagnaraðili: Sýslumaðurinn á Suðurlandi.
Lagt er til að rekstrarleyfi fyrir gististað í flokki II verði hafnað á grundvelli niðurstöðu grenndarkynningar.
Niðurstaða þessa fundar
Með hliðsjón af niðurstöðu skipulags- og byggingarnefndar telur bæjarráð að ekki eigi að veita umbeðið rekstrarleyfi.
5. 1911008F - Skipulags og byggingarnefnd - 33
5.16. 1705111 - Deiliskipulagstillaga að Austurvegi 52-60a Selfossi.
Anne B Hansen og Vigfús Þór Hróbjartsson gerðu grein fyrir stöðu skipulagsvinnunnar. Lagt er til við bæjarstjórn að framlögð deiliskipulagstillaga verði auglýst.
Niðurstaða þessa fundar
Í samræmi við 33. grein bæjarmálasamþykktar samþykkir bæjarráð að deiliskipulagstillagan verði auglýst.
