Athugið

Bæjarstjórnarfundur í beinni útsendingu

Fundargerðir

Til baka Prenta
Frístunda- og menningarnefnd - 17

Haldinn í Norðursal, Ráðhúsi Árborgar, Austurvegi 2, Selfossi,
18.01.2021 og hófst hann kl. 16:45
Fundinn sátu: Guðbjörg Jónsdóttir formaður, B-lista,
Guðmundur Kristinn Jónsson nefndarmaður, M-lista,
Jóna Sólveig Elínardóttir nefndarmaður, Á-lista,
Kjartan Björnsson nefndarmaður, D-lista,
Karolina Zoch nefndarmaður, D-lista,
Kristín Ósk Guðmundsdóttir áheyrnarfulltrúi ungmennaráðs,
Bragi Bjarnason deildarstjóri, Ólafur Rafnar Ólafsson starfsmaður.
Fundargerð ritaði: Bragi Bjarnason, deildarstjóri frístunda- og menningardeildar
Kristín Ósk Guðmundsdóttir, áheyrnafulltrúi ungmennaráðs boðaði forföll.

Bragi Bjarnason ritaði fundagerð.


Dagskrá: 
Almenn afgreiðslumál
1. 2101222 - Bæjar- og menningarhátíðir í Árborg 2021
Ólafur Rafnar Ólafsson, atvinnu- og viðburðafulltrúi fer yfir drög að dagskrá bæjar- og menningarviðburða í Árborg 2021.
Viðburðadagskráin í Sveitarfélaginu Árborg árið 2021 er fjölbreytt en enn eiga eftir að koma inn nokkrir minni viðburðir.
Rætt um að halda fundi í öllum þéttbýliskjörnum með skipuleggjendum viðburða í sveitarfélaginu á næstu vikum og er starfsmönnum falið að skipuleggja þá með gildandi samkomutakmörkunum. Starfsmönnum einnig falið að koma dagskrá með helstu viðburðum ársins í kynningu.
2. 2011065 - Uppskeruhátíð frístunda- og menningarnefndar 2020
Farið yfir hugmyndir að framkvæmd uppskeruhátíðar frístunda- og menningarnefndar fyrir árið 2020.
Ákveðið að halda Uppskeruhátíðina fyrir árið 2020 rafrænt í febrúar og afhenda viðurkenningar fyrir góðan árangur á árinu 2020. Starfsmanni er falið að kalla eftir tilnefningum félaga til kjörs íþróttakonu og -karls Árborgar og skipuleggja kosninguna í samræmi við umræðu á fundinum ásamt því að uppfæra reglugerð um kjörið.
3. 1903295 - íþrótta- og frístundastefna Árborgar
Drög að íþrótta- og frístundastefnu Árborgar 2021-2025 lögð fram til umræðu.
Starfsmanni falið að klára lokadrög í samræmi við umræðu á fundinum og leggja fyrir næsta fund.
4. 2101191 - Styrkbeiðni - HM karla í handknattleik 2021
Styrkbeiðni frá Handknattleikssambandi Íslands lögð fram.
Nefndin óskar íslenska handknattleikslandsliðinu velfarnaðar á HM í Egyptalandi og samþykkir fyrirliggjandi beiðni sem rúmast innan fjárhagsáætlunar og felur starfsmanni að klára málið.
5. 2101218 - Styrkbeiðni Frískra flóamanna vegna 1.maí hlaups
Lögð fram styrkbeiðni frá hlaupahópnum Frískum flóamönnum vegna fyrirhugaðs keppnishlaups 1.maí nk. á Selfossi.
Nefndin leggur til við bæjarráð að fyrirliggjandi styrkbeiðni verði samþykkt enda rúmist hún innan fjárhagsáætlunar 2021 og að starfsmanni nefndarinnar sé falið að klára samning við Fríska flóamenn um aðkomu sveitarfélagsins að viðburðinum.
Erindi til kynningar
6. 2101227 - Faghópur Markaðsstofu Suðurlands
Lagt fram til kynningar
7. 1903306 - Menningarsalurinn í Hótel Selfoss
Farið yfir stöðu uppbyggingar á Menningarsal Suðurlands í Hótel Selfoss.
8. 2101228 - Fundagerðir forvarnarhóps 2020-2021
Fundagerðir forvarnarhóps Árborgar lagðar fram til kynningar.

Fleira ekki gert. Fundi slitið kl. 18:25 

Til baka Prenta

Eldri fundargerðir

Einnig er hægt að nálgast eldri fundargerðir.

Sjá eldri fundargerðir
Þetta vefsvæði byggir á Eplica