5. 2008181 - Beiðni um vilyrði fyrir lóð nr. 5 við Norðurhóla á Selfossi
Erindi frá World Wide-Ísland ehf, dags. 18. ágúst, þar sem óskað er eftir vilyrði fyrir lóð nr. 5 við Norðurhóla á Selfossi.
Í ljósi þess að lóðinni nr. 5 við Norðurhóla hefur þegar verið úthlutað hafnar bæjarráð erindinu.
6. 2008198 - Spálíkan um mannfjölgun og fjárhagsáætlunargerð
Tilboð frá Talnakönnun hf, dags. 21. ágúst. Bæjarstjóri telur mikilvægt að sveitarfélagið fái í hendur öflugt tól til að spá fyrir um framtíðarþarfir; fólksfjölgun, stöðugildaþörf, tekjur og útgjöld sveitarfélagsins. Gríðarmikil íbúafjölgun gerir það áríðandi að sjá fyrir þarfir í mönnun og þjónustu. Meðfylgjandi er tilboð frá Talnakönnun sem bæjarstjóri hafði óskað eftir á fundi með fyrirtækinu. Í fjárhagsáætlun eru til 1,5 m.kr. auk 0,5 m.kr. í móttöku erlendra gesta sem færa má á milli liða í viðaukagerð, en alls er um að ræða kostnað upp á 2,5 m.kr. Lagt er til að tilboði Talnakönnunar verði tekið.
Bæjarráð samþykkir tillöguna en óskar eftir að unninn verði viðauki fyrir því sem upp á vantar og lagður fyrir bæjarstjórn til samþykktar.
