Menningarmánuðurinn október 2026 - dagskrá

Fundargerðir

Til baka Prenta
Bæjarstjórn - 6

Haldinn í Grænumörk 5, Selfossi,
21.10.2026 og hófst hann kl. 16:00
Fundinn sátu: Brynhildur Jónsdóttir varaforseti bæjarstjórnar,
Bragi Bjarnason bæjarfulltrúi, D-lista,
Sveinn Ægir Birgisson bæjarfulltrúi, D-lista,
Linda Björk Hilmarsdóttir bæjarfulltrúi, D-lista,
Þórhildur Dröfn Ingvadóttir bæjarfulltrúi, D-lista,
Sigurbjörg Guðmundsdóttir varamaður, D-lista,
Matthías Bjarnason bæjarfulltrúi, B-lista,
Ellý Tómasdóttir bæjarfulltrúi, B-lista,
Sigurjón Vídalín Guðmundsson bæjarfulltrúi, S-lista,
Margrét Björk Ólafsdóttir bæjarfulltrúi, S-lista,
Heiðrún Kristmundsdóttir bæjarfulltrúi, C-lista,
Þórdís Sif Sigurðardóttir bæjarritari.
Fundargerð ritaði: Þórdís Sif Sigurðardóttir, bæjarritari
Í upphafi fundar kallar forseti eftir athugasemdum við útsent fundarboð. Engar athugasemdir eru gerðar.


Dagskrá: 
Almenn erindi
1. 2601307 - Viðauki við fjárhagsáætlun 2026
Tillaga frá 14. fundi bæjarráðs, dags. 15. október sl. liður 2. Viðauki við fjárhagsáætlun 2026. Viðauki nr. 3. Lagt er til við bæjarráð að samþykkja viðauka 3.

Bæjarráð leggur til við bæjarstjórn að samþykkja viðauka nr. 3 við fjárhagsáætlun Sveitarfélagsins Árborgar 2026.

Áhrif viðaukans á rekstrarniðurstöðu samstæðu Sveitarfélagsins Árborgar (A og B hluta) er neikvæð um kr. 65.298.501,- og lækkar rekstrarniðurstaða samantekins A og B hluta um kr. 65.298.501,- og er áætlaður kr. 108.990.000,-.

Áhrif viðaukans á A hluta er neikvæð um kr. 65.298.501,- og lækkar því handbært fé um kr. 65.298.501,- eftir að viðauki er samþykktur.
Til máls tekur Bragi Bjarnason, D-lista.

Viðaukinn er borin undir atkvæði og samþykktur samhljóða með 11 atkvæðum.
Samþykkt
2. 2511417 - Endurskoðun á reglum Árborgar um fjárhagsaðstoð
Tillaga frá 2. fundi velferðarnefndar frá 29. september sl. liður 2. Endurskoðun á reglum Árborgar um fjárhagsaðstoð. Lagt er til samþykktar smávægilegar breytingar á reglum um fjárhagsaðstoð.

Velferðarnefnd samþykkir samhljóða breytingar á reglum um fjárhagsaðstoð fyrir sitt leyti og vísar málinu til bæjarstjórnar til fullnaðarafgreiðslu.
Til máls tekur Linda Björk Hilmarsdóttir, D-lista.

Tillaga um breytingu á reglum um fjárhagsaðstoð er borin undir atkvæði og samþykkt samhljóða með 11 atkvæðum.
Samþykkt
3. 1603084 - Verndarsvæði í byggð - Eyrarbakki
Tillaga frá 6. fundi skipulagsnefndar frá 14. október, liður 1. Verndarsvæði í byggð - Eyrarbakki.

Lögð er fyrir fund skipulagsnefndar uppfærð og lagfærð tillaga að greinargerð fyrir Verndarsvæði í byggð. Meðfylgjandi greinargerð er húsakönnunarskýrsla auk uppfærðrar fornleifaskráningar á Eyrarbakka. Sumarið 2015 voru samþykkt á Alþingi, lög nr. 87/2015 um verndarsvæði í byggð. Meginmarkmið laganna er að stuðla að vernd og varðveislu byggðar sem talin er hafa sögulegt gildi.
Árið 2016 senda inn erindi Magnús Karel Hannesson og Inga Lára Baldvinsdóttir þar sem þau benda á hin nýju lög og hvetja sveitarfélagið til að hefja vinnu sem nái þá sérstaklega utan um Eyrarbakka m.t.t. hverfisverndar, húsakönnunar o.s.frv.
Árið 2016 er sótt um og fékkst styrkur frá Húsafriðunarnefnd, til að vinna tillögur að "Verndarsvæði í byggð" Fram til ársins 2020 er unnið að gerð húsakönnunar, fornleifaskráningar og greinargerðar um Verndarsvæði í byggð. Landform ehf. sá um utanumhald á vinnslu tillögunnar.
Bæjarstjórn Árborgar samþykkti á fundi sínum 21.10.2020 tillögu að Verndarsvæði í byggð, til auglýsingar í samræmi við lög og reglugerð nr. 575/2016. Þá var tillagan kynnt sérstaklega íbúum á Eyrabakka með kynningarfundi í mars 2021.
Skipulags- og byggingarnefnd samþykkti tillöguna 11.8.2021 til auglýsingar í samræmi við 2. gr. reglugerðar nr. 575/2016. Bæjarstjórn Árborgar staðfesti þann 18.8.2021 fundargerð skipulags- og byggingarnefndar og samþykkti einnig að auglýsa tillöguna með áberandi hætti í sex vikur eins og kveðið er á um í reglugerð. Tillagan var auglýst frá 8.9.2021 með athugasemdafresti til 20.10.2021.
Engar athugasemdir bárust á auglýsingartíma.

Skipulagsnefnd Árborgar fagnar því að komin sé lokaniðurstaða í verkefnið Verndarsvæði í byggð - Eyrarbakka". Í samræmi við leiðbeiningar forsætisráðuneytisins sem fer með málaflokkinn er ekki talin þörf á að auglýsa tillöguna að nýju þótt svo að töluverður tími sé liðinn frá því að hún lauk auglýsinga og kynningarferli. Skipulagsnefnd samþykkir tillöguna með þeim lagfæringum sem gerðar hafa verið og mælist til þess við Bæjarstjórn Árborgar að samþykkja tillöguna til endanlegrar samþykktar hjá forsætisráðherra.
Til máls taka Bragi Bjarnason, D-lista, Sigurjón Vídalín Guðmundsson, S-lista.

Lagt er til við bæjarstjórn að tillaga og greinargerð um Verndarsvæði í byggð - Eyrarbakki verði vísað til endanlegrar samþykktar hjá forsætisráðuneytinu.

Tillagan er borin undir atkvæði og samþykkt samhljóða með 11 atkvæðum.


Samþykkt
Eyrarbakki-Tillaga-verndarsv-landsc-07.pdf
Husakonnun-skyrsla-2026.pdf
Skýrsla Eyrarbakki Uppfærð.pdf
4. 2610191 - Uppbygging á sveitarfélagamörkum Sveitarfélagsins Árborgar og Flóahrepps
Erindi frá oddvitum Flóahrepps og Sveitarfélagsins Árborgar, dags. 16. október 2026, um mögulega framtíðaruppbyggingu landssvæðis austan við Selfoss. Um er að ræða um 100 ha landsvæði sem Sveitarfélagið Árborg keypti árið 2014 sem er innan sveitarfélagamarka Flóahrepps og heyrir því undir skipulags- og stjórnsýsluvald Flóahrepps. Svæðið liggur meðfram nýjum Suðurlandsvegi og hefur verið rætt um uppbyggingu þar fyrir fjölbreytta atvinnustarfsemi, kirkjugarð og græn svæði til útivistar og afþreyingar.

Bæjarstjóri leggur til að hafnar verði formlegar viðræður um sameiginlega sýn og samkomulag um uppbyggingu landssvæðisins og stofnaður vinnuhópur.

Til máls tekur Bragi Bjarnason, D-lista.

Tillagan er borin undir atkvæði og samþykkt samhljóða með 11 atkvæðum.
Samþykkt
Erindi á bæjar- og sveitarstjórnir.pdf
Drög - Erindisbréf um vinnuhóp vegna samkomulags.pdf
5. 2610192 - Skipan í samstarfshóp vegna uppbyggingar á sveitarfélagamörkum Sveitarfélagsins Árborgar og Flóahrepps ásamt drögum að erindisbréfi
Drög að erindisbréfi vinnuhóps um útfærslu uppbyggingar á landssvæði austan Selfoss. Hópinn skipi þrír fulltrúar frá hvoru sveitarfélagi.
Vinnuhópurinn skal móta tillögur að samkomulagi milli Sveitarfélagsins Árborgar og Flóahrepps um uppbyggingu á um 100 ha landsvæði austan við Selfoss. Svæðið er í eigu Sveitarfélagsins Árborgar en er innan sveitarfélagamarka Flóahrepps og heyrir því undir skipulags- og stjórnsýsluvald Flóahrepps.

Lagt er til við bæjarstjórn að samþykkja erindisbréfið og kjósa þrjá fulltrúa í vinnuhópinn.
Til máls tekur Bragi Bjarnason, D-lista.

Bæjarstjórn samþykkir samhljóða með 11 atkvæðum erindisbréf fyrir vinnuhóp um útfærslu uppbyggingar á landssvæði austan Selfoss.

Bæjarstjórn samþykkir samhljóða með 11 atkvæðum að starfshópinn skipi þrír fulltrúar bæjarstjórnar og þrír til vara. Aðalmenn: Bragi Bjarnason, Sveinn Ægir Birgisson og Sigurjón Vídalín Guðmundsson. Varamenn: Brynhildur Jónsdóttir, Linda Björk Hilmarsdóttir og Matthías Bjarnason.

Samþykkt
Erindi á bæjar- og sveitarstjórnir.pdf
Drög - Erindisbréf um vinnuhóp vegna samkomulags.pdf
6. 1904353 - Erindisbréf Umhverfisnefndar
Tillaga frá 3. fundi umhverfisnefndar frá 28. september sl. liður 1. erindisbréf umhverfisnefndar. Farið yfir drög að erindisbréfi og er því vísað til afgreiðslu í bæjarstjórn með framkomnum athugasemdum.

Lagt er til við bæjarstjórn að samþykkja erindisbréfið.
Tillagan er borin undir atkvæði og samþykkt samhljóða með 11 atkvæðum.
Samþykkt
Drög - Erindisbréf umhverfisnefnd 2026 yfirfarið umhverfisnefnd 28 sept.pdf
7. 2302189 - Erindisbréf menningarnefndar
Tillaga frá 1. fundi menningarnefndar frá 17. september sl. liður 2. erindisbréf menningarnefndar.
Lögð eru fram drög að erindisbréfi nefndarinnar. Nefndin samþykkir erindisbréfið fyrir sitt leyti og vísar því til afgreiðslu í bæjarstjórn.

Lagt er til við bæjarstjórn að samþykkja erindisbréfið.
Tillagan er borin undir atkvæði og samþykkt samhljóða með 11 atkvæðum.
Samþykkt
Erindisbréf menningarnefndar (1).pdf
8. 2311414 - Erindisbréf fyrir Öldungaráð
Tillaga frá 1. fundi öldungaráðs frá 23. september sl. liður 1. endurskoðun á erindisbréfi fyrir öldungaráð. Farið yfir erindisbréf öldungaráðs.

Lagt er til við bæjarstjórna að samþykkja erindisbréfið.
Tillagan er borin undir atkvæði og samþykkt samhljóða með 11 atkvæðum.
Samþykkt
Samþykkt erindisbréf Öldungaráðs
.pdf
Fundargerðir
9. 2609001F - Skipulagsnefnd - 4
4. fundur haldinn 16. september.
Til kynningar
10. 2609017F - Menningarnefnd - 1
1. fundur haldinn 17. september.
Til kynningar
11. 2609023F - Bæjarráð - 12
12. fundur haldinn 1. október.
Til kynningar
12. 2609030F - Umhverfisnefnd - 3
3. fundur haldinn 28. september.
Til máls tekur Þórhildur Dröfn Ingvadóttir, D-lista.
13. 2609024F - Skipulagsnefnd - 5
5. fundur haldinn 30. september.
Til kynningar
14. 2609026F - Velferðarnefnd - 2
2. fundur haldinn 29. september.
Til máls tekur Ellý Tómasdóttir, B-lista.
Til kynningar
15. 2610002F - Bæjarráð - 13
13. fundur haldinn 7. október.
Til kynningar
16. 2610008F - Bæjarráð - 14
14. fundur haldinn 15. október.
Til kynningar

Fleira ekki gert. Fundi slitið kl. 16:33 

Til baka Prenta

Eldri fundargerðir

Einnig er hægt að nálgast eldri fundargerðir.

Sjá eldri fundargerðir
Þetta vefsvæði byggir á Eplica