Fundargerðir

Bæjarráð - 7

Haldinn í Setri Egils, Ráðhúsi Árborgar, Austurvegi 2, Selfossi,
20.08.2026 og hófst hann kl. 08:10

Fundinn sátu: Sveinn Ægir Birgisson formaður, D-lista,
Brynhildur Jónsdóttir varaformaður, D-lista,
Sigurjón Vídalín Guðmundsson bæjarfulltrúi, S-lista,
Matthías Bjarnason áheyrnarfulltrúi, B-lista,
Heiðrún Kristmundsdóttir áheyrnarfulltrúi, C-lista,
Þórdís Sif Sigurðardóttir bæjarritari.

Fundargerð ritaði: Þórdís Sif Sigurðardóttir, bæjarritari

Dagskrá:

Almenn erindi

1. 2605193 - Kosning í embætti og nefndir 2026-2030

Breyting í kjördeildum.

Fulltrúi í kjördeild 1 - aðalmaður í stað Herborgar Önnu Magnúsdóttur.
Fulltrúi í kjördeild 4 - aðalmaður í stað Sesselju Sumarrósar Sigurðardóttur.
Fulltrúi í kjördeild 5 varamaður í stað Svövu Júlíu Jónsdóttur.

Lagt er til að Guðmundur Sigmarsson verði aðalmaður í kjördeild 1 í stað Herborgar Önnu Magnúsdóttur að Elísabet Davíðsdóttir verði aðalmaður í kjördeild 4 í stað Sesselju Sumarrósar Sigurðardóttur og að Helena Sif Zophoníasdóttir verði varamaður í kjördeild 5 í stað Svövu Júlíu Jónsdóttur.

Bæjarráð, sem fer með sömu heimildir og bæjarstjórn í sumarleyfi bæjarstjórnar, samþykkir samhljóða tillögurnar. Einnig felur bæjarráð yfirkjörstjórn að gera frekari breytingar ef þurfa þykir fyrir kjördag.

2. 2608082 - Stjórnendateymi grunnskólar í Árborg

Kynnt er minnisblað sviðstjóra fjölskyldusviðs og sérfræðings á mannauðssviði, dags. 8. júlí er varðar aukinn stjórnunarkvóta í grunnskólum Árborgar.

Bæjarráð vísar beiðni um aukin grunnstjórnendakvóta í grunnskólum Árborgar til fjárhagsáætlunargerðar árið 2027.

3. 2607145 - Skil á ársreikningur - Byggingarsjóður aldraðra í Selfosskaupsstað

Sýslumaðurinn á Vestfjörðum sendi áminningu um skil á ársreikningi til sveitarfélagsins, 20. júlí sl., vegna Byggingarsjóðs aldraðra í Selfosskaupsstað.
Lagt er til að bæjarráð skipi fjóra bæjarfulltrúa í stjórn sjóðsins og fjóra til vara til fjögurra ára, skv. 7. gr. skipulagsskrár Byggingarsjóðs aldraðra.

Bæjarráð samþykkir að eftirtaldir bæjarfulltrúar verði fulltrúar í stjórn byggingarsjóðs aldraðra í Selfosskaupsstað.

Aðalmenn:
Sveinn Ægir Birgisson
Brynhildur Jónsdóttir
Sigurjón Vídalín Guðmundsson
Heiðrún Kristmundsdóttir

Varamenn:
Matthías Bjarnason
Linda Björk Hilmarsdóttir
Margrét Björk Ólafsdóttir
Ellý Tómasdóttir

Bæjarráð felur nýrri stjórn að skila ársreikningi Byggingarsjóðs aldraðra í Selfosskaupsstað til Sýslumannsins á Vestfjörðum.

Bæjarráð felur enn fremur bæjarstóra að leita leiða til að leggja félagið niður í samræmi við lög nr. 19/1988, um sjóði og stofnanir sem starfa samkvæmt staðfestri skipulagsskrá.

4. 2608086 - Styrkbeiðni - salernismál í Reykjaréttum

Erindi frá Afréttamálafélagi Flóa og Skeiða, dags. 8. júlí, þar sem óskað er eftir fjárhagslegum stuðningi frá sveitarfélögunum Flóahreppi, Skeiða- og Gnúpverjahreppi og Sveitarfélaginu Árborg vegna salernismála í Reykjaréttum. Óskað er eftir fjárframlagi frá sveitarfélögunum um 300.000 kr. til að standa undir framangreindum kostnaði við salernismál.

Bæjarráð samþykkir kostnaðarþátttöku með Flóahreppi og Skeiða- og Gnúpverjahreppi vegna salernismála í Reykjaréttum 2026. Ekki er þörf á viðauka vegna málsins.
Bæjarráð felur bæjarstjóra að ræða við fulltrúa Flóahrepps og Skeiða- og Gnúpverjahrepps um samkomulag vegna afréttamála.

4112_001.pdf

5. 2606309 - Styrkbeiðni - kaup á verkfærum og plöntum

Styrkbeiðni frá Skógræktarfélagi Stokkseyrar, dags. 10. júní, þar sem óskað er eftir styrk kr. 200.000 kr. til kaupa á verkfærum og plöntum til gróðursetningar á komandi hausti.

Bæjarráð tekur jákvætt í beiðnina og felur bæjarstjóra að kanna hvort þörf sé á viðauka við fjárhagsáætlun.
Bæjarráð felur bæjarstjóra enn fremur að hafa samband við fulltrúa frá Skógræktarfélagi Stokkseyrar til að ræða endurnýjun samstarfssamnings og útivistarsvæði við Stokkseyri. Bæjarráð felur bæjarstjóra einnig að hafa samband við önnur skógræktarfélög í sveitarfélaginu.

Skógræktarf Stk styrkur.pdf

6. 2607034 - Heilbrigðiseftirlit - fyrirhugaðar breytingar á eftirlitinu

Erindi frá Heilbrigðisnefnd Suðurlands, dags. 27. júlí um framtíð sameiginlegra verkefna sveitarfélaga og varðveisla sérþekkingar eftir 1. janúar 2027.

Lagt fram til kynningar. Bæjarráð þakkar fyrir upplýsingarnar og leggur áherslu á mikilvægi þess að vel verði staðið að breytingunum. Óvissu þarf að eyða sem allra fyrst fyrir starfsmenn og starfsemi Heilbrigðiseftirlits Suðurlands.

Bæjarráð telur að miðað við þær forsendur sem liggja fyrir eftir ákvörðun ríkisstjórnarinnar um tilfærslu verkefna frá sveitarfélögunum yfir til ríkisins, sé ekki grundvöllur fyrir áframhaldandi rekstri Heilbrigðiseftirlits Suðurlands sem byggðasamlags eftir 1. janúar 2027. Verði það endanleg niðurstaða sé um leið mikilvægt að vanda vel að vinnunni svo verkefni falli ekki niður innan hvers sveitarfélags.

Bæjarráð felur bæjarstjóra að setja af stað þá vinnu að undirbúa það að sveitarfélagið taki til sín þau verkefni sem eftir munu standa í Heilbrigðiseftirliti Suðurlands og meta umfang verkefnanna.

Bókun Heilbrigðisnefndar Suðurlands með hvatningu til sveitarstjórna á Suðurlandi.pdf

Fundargerðir

7. 2604031F - Ungmennaráð - 5/2026

5. fundur haldinn 4. maí.

Lagt fram til kynningar.

8. 2607014F - Umhverfisnefnd - 2

2. fundur haldinn 22. júlí.

Lagt fram til kynningar.

Fundargerðir til kynningar

9. 2601407 - Fundargerðir heilbrigðisnefndar Suðurlands 2026

256. fundur haldinn 27. júlí.
Ársskýrsla 2025

Lagt fram til kynningar.