Athugið

Kórónaveiran COVID-19 upplýsingasíða Sjá nánar


Fréttasafn

Aðgerðaráætlun bæjaryfirvalda

Bæjaryfirvöld vinna nú að aðgerðaráætlun til að koma til móts við þarfir íbúa og fyrirtækja í sveitarfélaginu í þeim krefjandi aðstæðum sem við blasa. Stefnir bæjarráð á kynningu aðgerðaráætlunar á næsta fundi bæjarráðs, þann 2. apríl.

Bæjarráð óskar eftir þátttöku íbúa sveitarfélagsins. 

Í þeim tilgangi hefur verið útbúið nýtt tölvupóstfang: hugmynd@arborg.is

Íbúar eru hvattir að koma á framfæri hugmyndum og ábendingum, um aðgerðir sem gætu á næstu mánuðum komið til móts við þarfir íbúa og fyrirtækja í sveitarfélaginu og einnig stuðlað að þróttmiklu og eftirsóknarverðu sveitarfélagi. Hugmyndir íbúa verða yfirfarnar af bæjarfulltrúum og hafðar til hliðsjónar við mótun aðgerða.

Bæjarráð bókaði með eftirfarandi hætti:

5. 2003223 - Leiðbeiningar um aðgerðir fyrir heimilin

Erindi frá Sambandi íslenskra sveitarfélaga, dags. 23. mars, þar sem sveitarfélög eru hvött til að kanna möguleika á lækkun gjaldskrár og tímabundinni lækkun eða niðurfellingu tiltekinna gjalda, ásamt leiðbeiningum fyrir sveitarfélög, sem þau geta nýtt við ákvarðanir um afslátt af greiðsluhlutdeild notenda í velferðarþjónustu.

Bæjarráð Svf. Árborgar þakkar stjórn Sambands íslenskra sveitarfélaga fyrir þær ábendingar og hugmyndir sem stjórnin viðrar um mögulegar aðgerðir sveitarfélaga til aðstoðar heimilum landsins í ljósi þeirrar stöðu sem upp er komin vegna COVID-19 heimsfaraldursins.
Bæjarráð hefur nú þegar ákveðið að leikskólagjöld verði endurgreidd foreldrum þá daga sem barn mætir ekki á leikskóla og með sama hætti að fæðisgjöld verði endurgreidd fyrir þá daga sem börn fá ekki fæði. Sama fyrirkomulag gildir vegna gjalda fyrir frístundaheimili og fæði í grunnskólum. Einnig ákvað bæjarráð að dagforeldrar haldi greiðslum sínum frá sveitarfélaginu ef dagforeldrið er skipað í sóttkví.
Bæjaryfirvöld vinna nú að aðgerðaráætlun til að koma til móts við þarfir íbúa og fyrirtækja í sveitarfélaginu í þeim krefjandi aðstæðum sem við blasa. Bæjarfulltrúar munu fara yfir tillögur á næsta þriðjudag og bæjarráð stefnir að kynningu aðgerðaráætlunar á næsta fundi bæjarráðs, þann 2. apríl næstkomandi.
Bæjarráð óskar eftir þátttöku íbúa sveitarfélagsins í vinnunni og mun í þeim tilgangi láta setja upp sérstakt tölvupóstfang - hugmynd@arborg.is - þar sem að íbúar geta komið á framfæri hugmyndum og ábendingum, um aðgerðir sem gætu á næstu mánuðum komið til móts við þarfir íbúa og fyrirtækja í sveitarfélaginu og einnig stuðlað að þróttmiklu og eftirsóknarverðu sveitarfélagi. Hugmyndir íbúa verða yfirfarnar af bæjarfulltrúum og hafðar til hliðsjónar við mótun aðgerða.


Nýjustu fréttirnar

Fyrirsagnalisti

7. ágúst 2020 : Fjölskyldusvið Árborgar óskar eftir húsnæði til langtímaleigu

Fjölskyldusvið Árborgar óskar eftir húsnæði til langtímaleigu fyrir dagdvöl fyrir einstaklinga með heilabilun. Húsnæðið þarf að vera að lágmarki 370 fermetrar að stærð, á einni hæð og með góðu aðgengi. 

Sjá nánar

4. ágúst 2020 : Sumar á Selfossi og kaffiboði fyrir 75 ára aflýst

Bæjarhátíðin Sumar á Selfossi, sem fram átti að fara dagana 06.- 09. ágúst í ár hefur því miður verið aflýst vegna COVID-19 faraldursins.

Sjá nánar

23. júlí 2020 : Tilnefningar til umhverfisverðlauna

Umhverfisnefnd Sveitarfélagsins Árborgar óskar eftir tilnefningum frá íbúum um snyrtilega garða, fallegustu götu í Árborg og vel um gengin fyrirtæki og atvinnurekstur. 

Sjá nánar

17. júlí 2020 : Nýr samningur um úrgangsþjónustu

Nýr samningur um úrgangsþjónustu í Árborg var undirritaður 16.07. síðastliðinn, lægstbjóðendur voru Íslenska Gámafélagið og mun því samstarf halda áfram til næstu tveggja ára með möguleika á tveggja ára framlengingu. 

Sjá nánar

Þetta vefsvæði byggir á Eplica