Álagning fasteignagjalda 2023
Álagningu fasteignagjalda í Sveitarfélaginu Árborg fyrir árið 2023 er nú lokið.
Álagningarseðlar eru birtir rafrænt á vefsíðunni island.is undir ,, Mínar síður“ og er innskráning með rafrænum skilríkjum. Sem fyrr birtast kröfur vegna fasteignagjalda í netbanka greiðanda og greiðsluseðlar undir rafræn skjöl.
Gjalddagar fasteignagjalda eru nú 11 á ári í stað 10 eða frá 1. febrúar - 1. desember.
Allar nánari upplýsingar um álagningu fasteignagjalda og innheimtu eru veittar á skrifstofu sveitarfélagsins í síma 480 1900 eða á netfangið arborg@arborg.is.
