Barnabókahetjur heimsins
Takmarkinu náð á rúmu ári og nú má finna barnabækur á 42 tungumálum á bókasafninu á Selfossi.
Sumardaginn fyrsta kynnti Bókasafn Árborgar á Selfossi verkefni sem kallast Barnabókahetjur heimsins
Verkefnið fór af stað í upphafi árs 2023 og kveikjan að því var sú staðreynd að þá voru töluð yfir 30 tungumál í grunn- og leikskólum Árborgar.
Takmarkið var að eignast barnabækur á öllum þessum tungumálum og leita uppi helstu hetjur barnabókmennta heimsins
Starfsfólk safnsins, vinir og vandamenn hófust þegar handa við að safna bókum og nú rúmu ári síðar hefur því takmarki verið náð og gott betur því í dag eiga 42 tungumál sína fulltrúa í barnabókadeildinni.
Verkefnið var styrkt af Bókasafnssjóði og markmiðið með því er að varpa ljósi á þá jákvæðu staðreynd að Árborg er sannarlega fjölmenningarlegt samfélag.
Þrátt fyrir að verkefninu sé formlega lokið verður haldið áfram að safna barnabókum á öllum þeim tungumálum sem töluð eru í sveitarfélaginu.
