Breyting á frístundaakstri og Árborgarstrætó
Tilkynning vegna breytinga á frístundaakstri og Árborgarstrætó í Svf. Árborg frá og með 31. október 2022
Þann 31. október næstkomandi mun taka í gildi nýtt tvíþætt akstursplan frístundabíls Áborgar
Breytingarnar felast í því að ásamt þeim bíl sem hefur þegar þjónustað aksturinn verður akstursplani Árborgar Strætó (ÁS) breytt tímabundið á daginn þegar mesta álagið er á akstrinum. Það verður til þess að í þeim tilfellum sem bíll fyllist mætir annar á stoppið stuttu seinna til þess að dreifa álaginu.
ÁS mun þá þjónusta akstur á Ströndinni, Tjarnarbyggð og Sandvík niður á Selfoss
Vegna fárra stoppa ÁS innanbæjar á Selfossi munu þeir aðilar sem taka strætóinn á Selfoss en þurfa að sækja aðrar tómstundir en þær sem eru við IÐU/Selfossvöll eða Sunnulækjarskóla að skipta um bíl ýmist við Iðu/Selfossvöll, Stekkjaskóla eða Sunnulækjarskóla.
Bílstjórar verða upplýstir um skiptistopp en þó er mikilvægt að hvetja börnin sem nýta vagninn að láta bílstjóra vita þegar þau þurfa að komast á tiltekna staði svo við getum í sameiningu komið þeim út á réttum stoppistöðvum.
Mikilvægt er að yfirfara töflurnar vel enda eru breytingarnar á tímatöflu heldur stórar og því gott að hafa yfirsýn til þess að auðvelda ferlið sem fer í gang þegar slíkar breytingar eiga sér stað.
Nýja planið er hugsað til þess að greiða úr ýmsum flækjum sem voru á þáverandi plani t.a.m. að bílarnir fóru heldur snemma af stað fyrir einhverjar tómstundir, seint á aðrar og plássleysi í bílum.
Það má vel vera að enn þá séu til staðar einhverjir hnökrar í planinu, en þó mikið smærri en þeir sem fyrir voru.
Séu stórvægilegir vankantar á nýja planinu er ágætt að tilkynna þá í gegnum tölvupóst á sigdis.erla@arborg.is eða gunnars@arborg.is eða hringja í síma 480 1900 á meðan reynslutímabil stendur yfir.