Nafnasamkeppni vegna nýs hringtorgs
Á fundi Eigna- og veitunefndar Árborgar þann 14. janúar sl. var ákveðið að efna til nafnasamkeppni vegna nýs hringtorgs á gatnamótum Suðurhóla/Eyrarabakkavegar og Hagalæks á Selfossi.
Nafnasamkeppnin er öllum opin og íbúar eru hvattir til að taka þátt í samkeppninni.
Frestur til að skila inn tillögum að nafni á nýju hringtorgi er til og með föstudeginum 19. feb. 2021.
Tillögum á að skila með tölvupósti í netfangið mannvirkja.umhverfissvid@arborg.is
Upplýsingar um nafn, heimilisfang og síma sendanda þarf að koma fram í póstinum.
Verðlaun verða veitt fyrir þá tillögu sem verður fyrir valinu.
