Nýr rekstraraðili tekur við Tryggvaskála
Tómas Þóroddsson, Ívar Þór Elíasson og Margrét Rún Guðjónsdóttir hafa tekið við rekstri Tryggvaskála á Selfossi en samningur þess efnis var undirritaður í dag, föstudaginn 30.apríl.
Fyrirtæki þeirra Tryggvaskáli ehf. mun áfram halda úti veitingarekstri í húsnæðinu og munu þau kynna helstu áherslur síðar en stefnt er á opnun staðarins eftir miðjan maí. Leigusamningurinn er til 5 ára með möguleika á framlengingu og hefur Tryggvaskáli ehf. nú tekið formlega við húsnæðinu.
Á forsíðumynd eru þau Margrét Rún Guðjónsdóttir, Ívar Þór Elíasson, Gísli Halldór Halldórsson, bæjarstjóri og Tómas Þóroddsson við undirritunina í Tryggvaskála.
Myndir: GPP og BB
