Tilkynning frá þjónustumiðstöð - Snjómokstur mánudaginn 19. desember 2022
Staðan kl. 10:30 er sú að allar aðalleiðir frá Selfossi og á milli byggðarkjarna og í dreifbýli eru lokaðar.
Snjómokstur á Selfoss, Eyrarbakka og Stokkseyri miðast við að halda stofnleiðum og safngötum opnum og að tryggja snjómokstur við skóla og leikskóla. Mokstur í íbúðargötum bíður á meðan veðrið gengur yfir.
Hætt hefur verið snjómokstri í dreifbýli og verður staðan metin þegar líður á daginn.
Gámasvæði í Víkurheiði er lokað í dag þar sem mikil ófærð er á Víkurheiðinni og mikill snjósöfnun á gámasvæðinu. Stefnt er að því að opna á morgun, þriðjudag.
Sveitarfélagið er með um 30 tæki í snjómokstri eins og staðan er. Um er að ræða eigin tæki og verktaka.
Vakin er athygli á að upplýsingar um snjómokstur og vetrarþjónustu er á heimasíðu Árborgar og á vef Vegagerðarinnar.
