Vegna boðaðs verkfalls aðildarfélaga BSRB
Félagar í stéttarfélaginu FOSS, Félag opinberra starfsmanna á Suðurlandi, sem starfa í leikskólum, sundlaugum, hjá Áhaldahúsi og í þjónustuveri í Ráðhúsi Árborgar hafa boðað til verkfalls frá og með mánudeginum 5. júní 2023 en FOSS er aðildarfélag BSRB.
Ef til verkfalls kemur mun það hafa áhrif á starfsemi sveitarfélagsins á eftirtöldum stöðum:
- Sundhöll Selfoss og Sundlaug Stokkseyrar loka frá og með mánudeginum 5. júní til og með 5. júlí, eða þar til samningar hafa náðst.
- Starfsemi leikskóla skerðist frá og með mánudeginum 5. júní til og með 5. júlí, eða þar til samningar hafa náðst. Leikskólastjórar hafa sent upplýsingar til foreldra varðandi útfærslu skólastarfsins komi til verkfalls. Foreldrar eru hvattir til að fylgjast með framvindu samningaviðræðna í fjölmiðlum næstu daga. Felld verða niður gjöld vegna vistunar fyrir þann tíma sem foreldrar hafa fengið tilkynningu um að barnið geti ekki mætt í leikskólann.
- Þjónustuver Sveitarfélagsins Árborgar verður lokað frá og með mánudeginum 5. júní til og með 5. júlí, eða þar til samningar hafa náðst. Enginn símsvörun verður í síma 480 1900, tölvupóstum sem berast á netfangið radhus@arborg.is verður ekki svarað og ekki verður unnið úr ábendingum sem berast í gegnum ábendingargátt sveitarfélagsins.
- Starfsemi Áhaldahúss mun skerðast frá og með mánudeginum 5. júní til og með 17. júní, eða þar til samningar hafa náðst.
